花旗集團基金捐百萬元予樂餉社 惠及5600個基層家庭

正所謂民以食為天，要幫助弱勢基層最好由食物開始。黛安知道，花旗集團基金將捐助15萬美元（約117萬港元）畀樂餉社，透過70個前綫社福機構為5,600個家庭提供最多14日主要食糧，真係好有心。

花旗集團基金今次捐出嘅應急食物箱，包括多款襟放嘅食品，例如米、麵條、燕麥、罐頭肉食，仲有茶、超高溫滅菌牛奶等，以確保受惠者每日3餐都有足夠嘅基本食物，足夠維持14日。

花旗集團香港及澳門區行長伍燕儀同黛安分享，喺新冠肺炎疫情下，先後經歷停課、停工、通脹等等，令弱勢基層市民嘅生活雪上加霜，希望可以透過提供糧食支援，幫助受惠家庭解決燃眉之急。