信興廚藝中心名廚烹飪班 學煮中日菜秘技

最近唔少人都愛上入廚煮食，現時疫情緩和，梗係要出動上烹飪班進修下。黛安知道，信興廚藝中心喺6月會推出名廚烹飪班，請來星級導師黃淑儀（GiGi姐）同趙仕焯師傅，教大家炮製中、日菜式！

今次烹飪班課程好豐富，其中6月7日有GiGi姐教授簡單美味嘅家常小菜，好似乾咖喱蟹同紫菜墨魚塊；除咗煮餸，GiGi姐仲會教煲霸王花湯，呢款湯味道清甜兼清心潤肺，最啱夏天飲。

另外，鍾意食日本菜就要留意喇，因為6月13日就有鮨海創辦人兼總廚趙仕焯師傅開班，佢從事日本料理35年係星級名廚，將教大家炮製天婦羅野菜餅，同天婦羅蝦壽司卷等日式美食，大家快啲報名喇！