【係咪圈中人？】馬浚偉拒借錢畀友人遭威嚇 「冇一個人有責任借錢畀你」

馬浚偉在社交網撰文，自爆日前收到一位失去聯絡多年的友人短訊，對方忽然問他借錢，但馬仔礙於跟對方不熟稔而婉拒，對方卻傳來一堆難聽及威嚇的信息；馬仔接受《晴報》訪問時，強調該名友人不是圈中人，他又語重心長告誡該友人：「唔好將自己嘅責任轉介畀別人，冇一個人有責任借錢畀你。」

相關新聞：【好人好事】李明蔚抗癌陷財困獲贈食糧解困 馬浚偉周圍撲物資親送病人機構

{{hket:inline-image name="2.jpg"}}{{/hket:inline-image}}

（圖：馬浚偉IG）

馬仔在社交網上載一張十字架的相片，留言稱跟該名失聯多年的朋友來回數天短訊，但說到底，原來是借錢問題，他指雙方從來沒有聯絡，也沒有交情及任何信任的建基，故不敢答應借錢，結果對方傳來一堆難聽和威嚇的信息。馬仔留言勸喻這位朋友：「希望你能正面處理錢財問題，也不要再抱投機和賭博的心，這些貪念最终會把你害得很慘的！願你重新振作，勇敢面對和承擔自身的責任，加油！」

{{hket:inline-image name="ig1.jpg"}}{{/hket:inline-image}}

（圖：馬浚偉IG）

網民看過馬仔的貼文後，紛紛猜測他口中的友人是否圈中人，不過馬仔接受本報電話訪時澄清：「大家唔使估，對方唔係藝人，我亦唔會透露係邊個。」馬仔強調跟該名友人已有十年沒聯絡，但對方突然致電向他借錢，令他感到錯愕，他無奈表示：「佢無端端問我借錢，但我真係同佢唔熟，又咁多年冇見，我又唔知佢做緊乜，所以就禮貌咁婉拒佢，但佢借唔到錢就留埋啲唔好聽嘅說話，呢樣係我最唔開心。（佢問你借幾錢？）6位數。」

{{hket:inline-image name="3.jpg"}}{{/hket:inline-image}}

（圖：馬浚偉IG）

馬仔又語重心長表示：「我覺得大家都係成年人，依家經濟又咁差，每個人都要照顧好自己，唔可以將自己嘅責任轉介畀別人，亦唔好貪心，令自己走入困境，我希望呢位朋友可以解決到自己問題，但冇一個人有責任借錢畀你。」馬仔又指若對方是熟朋友，又是江湖救急或要醫病，他定必慷慨就義，但不是「夾硬來」，馬仔續稱：「依家娛樂圈都面對緊一個逆境，我有錢我都會開project，請多啲同行嘅人，等大家有工開，我嚟緊開舞台劇都係呢個理念，等佢哋自力更新，而唔係攞啲錢不明不白去借咗畀人，反而唔鍾意咁，自力更生比一切都更加重要。」

{{hket:inline-image name="IMG_4604.JPG"}}{{/hket:inline-image}}

撰文：倪小珊