奔波整日執172磅紙皮換來48元 76歲婆婆將血汗錢盡捐慈善機構

施比受更為有福! 一名76歲婆婆日前勞碌整日，以撿拾得來的78公斤（約172磅）紙皮，從回收站換來48元，惟並非供自己花費，而是打算將辛苦賺得的款項捐予慈善機構。婆婆透露年輕時曾受別人恩惠，現在會把拾荒所得金錢儲起，捐予慈善機構幫助有需要人士，心中富有的高尚品德令人敬佩。

新福事工協會「關懷貧窮學校」部門的轄下組織「拾平台」，昨日（17日）晚上在其Facebook專頁發文，分享一名拾荒婆婆的故事。帖文指年屆76歲的張婆婆，日前推着一架放滿紙皮的手推車前往回收站，電子磅熒幕顯示手推車的重量接近98公斤（約216磅），扣除車重20公斤（44磅），張婆婆最終以撿拾得來的78公斤（約172磅）紙皮，換得48元現金。

張婆婆其後坐在回收車旁邊的摺櫈上休息，嘆喟一聲：「呢車紙執咗成日架喇！」有關職員聞言便上前與婆婆攀談起來。

職員 : 「見你啲紙皮疊得好整齊喎......」

張婆婆：「又唔係趕時間，咪慢慢執靚佢囉！啲錢唔係畀我架！」

職員 : 「咁畀邊個架？」

張婆婆 : 「啲錢會儲起佢，到咁上下就拎去捐咗佢......」

職員 : 「哇！咁捐去邊呀？」

張婆婆: 「東華三院呀、樂施會呀、仁濟醫院呀、保良局呀，分開幾間咁捐囉！我有收到佢哋啲感謝信架！」

職員 : 「執得咁辛苦，唔留返畀自己用？」

張婆婆: 「錢嘅嘢，帶唔得落棺材嘅，自己後生受過別人恩惠，有能力咪當幫返其他人囉，反正喺屋企都係坐啫嘛。」

帖文遂在文末引用《隨想曲》的歌詞，「渴望是心中富有/名和利不刻意追求」，以感嘆張婆婆心中富有的清高脫俗。

不少網民看過帖文後，均向張婆婆致敬和送上祝福，留言表示「人到無慾無求，施比受更有福！」、「感謝婆婆的無私奉獻，祝婆婆身體健康」、「對婆婆滿懷敬意，但也希望佢量力而為，不要壞了身子」、「婆婆，你的無私教曉我哋很多......捐款不是因為擁有得多而有餘唔志在，而是因為別人有需要，我們便盡心盡力幫助」、「婆婆好嘢，好心有好報」。

撰文：蘇麗儀