【慶祝母親節】郭富城完騷後帶太太方媛欣賞維港景色 女兒Chantelle眼仔碌碌向記者揮手

郭富城今日舉行的《郭富城鼓舞‧動起來網上慈善演唱會》，短短十日籌備成功，非常不容易，加上天氣酷熱，與80名舞蹈員又唱又跳一小時，絕對是「強人是你」。城城今次活動別具意義，除了慈善籌款之外，亦在母親節前夕將音樂會送給天下間辛勞的媽媽們。表演期間，太太方媛（Moka）和大女Chantelle原來都有到場支持，完騷後，城城希望留住這個紀念時刻，在海旁一家三口合照留影。他大方讓傳媒拍照，Chantelle雖然戴住口罩，不過雙眼眼仔碌碌，見到記者影相都不忘揮揮手打招呼，非常可愛，而城城望實囡囡一臉慈父樣，不時親吻囡囡額頭，非常溫馨甜蜜。

相關新聞：【網上直播音樂會】郭富城戶外開騷歌舞連場爆汗變水人 感性仰天送吻獻歌惦念亡母

{{hket:inline-image name="d191bc28-fe9b-4750-949f-ebdea81a36ee.JPG"}}{{/hket:inline-image}}

(圖片：東星娛樂)

{{hket:inline-image name="1ac8d57b-64b8-4e50-9efa-6307ec66e339.JPG"}}{{/hket:inline-image}}

(圖片：東星娛樂)

{{hket:inline-image name="776685ec-99a4-417f-b68b-02920b1d10ff.JPG"}}{{/hket:inline-image}}

(圖片：東星娛樂)

{{hket:inline-image name="381b54fd-91b2-45ed-9eb6-750a2767ffb3.jpg"}}{{/hket:inline-image}}

(圖片：東星娛樂)

城城接受傳媒訪問，他直認今次活動比預期中炎熱，幸好一切順利完成，自己亦付出百分百的努力，希望在疫情期間，為失業或者面對經濟困難的朋友出一點力，特別是舞者和電影幕後工作人員。他表示：「今次呢個騷係開心嘅，受到阿Sam（許冠傑）嘅影響，喺阿Sam完後嘅兩日，我同團隊話自己都想出一分力。」

適逢母親節，城城特別帶同妻女到場，當他獻唱《不老的情歌》時仰天掛念媽媽，他邊講邊哽咽說：「我呢一生最愛嘅媽媽，母愛係好偉大，我成為咗父親，順理成章心態亦會轉變，自己好懷念媽媽，佢就功成身退，百年歸老離開咗，自己一直都好唔捨得。」

相關新聞：【鼓舞‧動起來】郭富城憶及時完成亡母心願哽咽 本承父業娛圈大放異彩全因媽媽

{{hket:inline-image name="eb72a69b-8723-40e1-98ca-b616e8d256a3.jpg"}}{{/hket:inline-image}}

(圖片：東星娛樂)

講到太太Moka今天都有到場支持，城城表示：「係開心嘅，有家人同埋另一半嘅支持，係一個力量，自己用最大嘅努力去做好呢個演唱會。助人為快樂之本，其實舞者係被忽略嘅，政府嘅紓困措施未能惠及佢哋，自己希望有呢個力量去幫到佢哋，希望疫情快啲過，大家過返啲正常生活。」至於明天的母親節，城城笑笑口稱會跟家人食飯慶祝，他表示疫情最難得是食3個月的住家飯，亦有更多時間留家陪伴家人，培養感情，城城說：「做父親就應該陪屋企人，陪吓屋企嘅小朋友，祝大家所有嘅母親都母親節快樂。」

責任編輯：楊安莉