【鼓舞‧動起來】郭富城憶及時完成亡母心願哽咽 本承父業娛圈大放異彩全因媽媽

新冠肺炎肆虐全球，雖然香港疫情近日稍為放緩，但已經對經濟造成嚴重打擊，致百業蕭條、失業率高企，而即使政府推出紓困措施，但大部分演藝界人士都未能直接受惠。

受許冠傑啟發

「舞台王者」郭富城（Aaron）受到歌神許冠傑（Sam）早前嘅Online Concert啟發，於5月9日（周六）舉行「郭富城鼓舞‧動起來網上慈善演唱會」 ，為專業舞蹈員及電影幕後基層工作者籌募一筆抗疫經費，希望可以解到佢哋燃眉之急。Aaron大讚Sam嘅金曲充滿能量，令人個心好溫暖同踏實。

{{hket:inline-image name="AHHAHAH11_600_600.jpg"}}{{/hket:inline-image}}

（《健康‧旦》YouTube頻道截圖）

憶亡母哽咽

Aaron日前接受鄭丹瑞（阿旦）嘅「健康‧旦」訪問，除了談及嚟緊舉行嘅網上演唱會，仲大談初入行時父母嘅反應，當城城講到今年二月去世嘅亡母時，一時感觸哽咽。阿旦讚城城現時變了慈父，城城說：「好自然，去到某階段生活會改變，喺娛樂圈由舞蹈員到歌手再拍戲，轉型過程專注工作，去到穩定階段同獲得認同時，嗰段時間要穩定生活，媽媽年紀老邁，佢都希望睇到我成家立室……」此時，城城一時感觸哽咽，並停了幾秒，在旁的阿旦安慰：「Get到。」

{{hket:inline-image name="556.JPG"}}{{/hket:inline-image}}

（《健康‧旦》YouTube頻道截圖）

Aaron指因為工作關係，好少時間陪母親，覺得遺憾，但媽媽見到佢有成績都好安慰:「去到當我近50歲，佢希望有生之年見到我成家立室，同埋有自己小朋友，我終於達成佢心願：結婚、擁有自己家庭，以及最開心有兩個寶貝女。」

{{hket:inline-image name="89371789_853776798416655_6996020616336861460_n.jpg"}}{{/hket:inline-image}}

（Aaron IG）

母親一直支持演藝工作

Aaron續指：「媽媽影響好深，始終母愛好偉大，因為爸爸好早走咗，1995年走咗，媽媽多年來支持我工作，我入行做dancer，第一個就係話畀媽媽知，爸爸當時好嚴厲，希望我做金行，佢喺金行工作，亦希望我畢業後繼承父業；我入訓練班時，媽媽第一時間同爸爸商量，話畀機會我試吓，唔得先再算，一直到我入演藝圈，舞蹈員、歌手及演員，媽媽一直好支持。」

{{hket:inline-image name="ea5202897136f98a50ca70f79fa4e1d6saasftp20200221.jpg"}}{{/hket:inline-image}}

（東星娛樂）

講到媽媽走到人生最後時，雖然身體疲倦，但活得開心：「二寶（二女）出咗世，嗰時佢已經好攰，媽媽同我哋一齊住，佢好攰時，我同佢講：『你睇吓，二寶叫你、望住你。』媽媽都會用力氣去睇吓，然後露出佢嘅微笑。」

{{hket:inline-image name="bkn-20181219170004528-1219_00862_001_07b_2816975785c1a1387b693f-646x807.jpg"}}{{/hket:inline-image}}

（網上圖片）

毋忘「舞蹈」初心

「郭富城鼓舞‧動起來網上慈善演唱會」正正係喺母親節前夕舉行，Aaron希望藉此同時向天下嘅母親送上祝福，提醒子女在母親節當日要對偉大嘅母親表達敬意。 演唱會將於當日下午5時於全球網上及指定平台同步直播，郭富城將聯同近百位舞蹈員唱跳一小時。今次籌款嘅受惠對象先以舞蹈員和電影幕後基層為主，Aaron表示：「舞蹈係我嘅初心，我必須要支持！而電影業內不少工作者，也對我愛護有加，所以先列入第一階段嘅關顧群組。」 Aaron希望可以為大家提供歡樂同發放正能量，希望疫情早日過去，大家回復正常生活。

{{hket:inline-image name="95323677_703466790412342_1222413233642536960_n_600.jpg"}}{{/hket:inline-image}}

（Aaron IG）

撰文：黃蘊姿