港鐵啟德站時光隧道 回味舊啟德情懷

黛安細細個就聽爸媽講啟德機場嘅故事，最近港鐵啟德站A出入口嘅車站藝術品「啟德回憶︰1925-1998」，展出超過30張歷史圖片同海報，乘客行過猶如置身於時光隧道，好似回到昔日嘅機場。今次藝術品係由來自加拿大嘅香港航空歷史專家鄧年威創作，展示啟德機場嘅發展，將香港與世界聯繫起來嘅歷程。

港鐵公司總建築師文若德同黛安分享，佢話啟德站位處香港航空業發源地，雖然啟德機場大部分歷史遺迹已隨着城市發展而逐漸消失，但呢啲藝術品卻將珍貴嘅回憶保留下來。鄧年威就希望透過藝術品，為香港人將啟德回憶同歷史保存下來。如果想知多啲「港鐵‧藝術」計劃車站藝術品詳情，大家可瀏覽www.artinmtr.com.hk。