維他蒸餾水100%循環再造樽

疫情下大家更注重健康，飲水亦多咗，但飲樽裝蒸餾水又驚唔環保。黛安最近收到消息，就係維他奶除咗堅持蒸餾水嘅純淨品質外，最近亦喺香港推出採用100%循環再造膠樽嘅「維他」蒸餾水，樽身採用可回收嘅聚對苯二甲酸乙二醇酯（簡稱「rPET」）製造，夠晒環保。

公關姊妹話，「維他」蒸餾水所採用嘅循環塑膠樽，都係由回收得到嘅塑膠分類及嚴格篩選後，再進行破碎同高溫清洗，造粒重塑而成。重塑後嘅rPET物料可應用喺飲品包裝上，減少塑膠廢棄物及節省化石燃料消耗。維他奶喺今年首季將會陸續喺香港更新及推出，以rPET循環再生膠樽包裝嘅430毫升、700毫升同1.5公升嘅「維他」蒸餾水產品，大家要多多支持啊。