老爺衛生差咳嗽打噴嚏不掩口 回家不洗手見孫兒新手媽媽崩潰

新冠肺炎疫情持續，市民務必加強衛生措施，更要提醒家中長輩加緊防疫。一名新手媽媽日前投稿，指老爺衛生意識「好一般」，咳嗽和打噴嚏時甚少掩口，回家後更不立即洗手更衣，日前更直接走到房間找孫兒，令事主感到擔心，但又「唔知點話佢好」，遂向一眾網民徵詢意見。

一名讀者早前向Facebook專頁「我的極品四大長老」投稿，分享自己與家庭成員相處的情況，並向廣大網民「請教」意見。事主在帖文中表示，自己本身與丈夫同住，待誕下小孩子後才搬回去與老爺、奶奶共住，惟事主形容，搬回去後始知是「惡夢嘅開始」。

老爺衛生意識差 回家不洗手除鞋

事主指出，老爺的衛生意識「真係好一般」，平常咳嗽和打噴嚏也甚少遮掩口鼻。此外，每當老爺下班回家後，不但沒有立即去洗手，更不換洗身上的衣物，反喜歡「着住對鞋行晒成間屋」，疫症期間更令事主感到擔心，她表示：

「最驚佢（老爺）就係突然行去搵我個小朋友，點知今日就嚟料。」

回家直接找孫兒 「想攔都攔唔住」

事主指，由於老爺、奶奶家「實在太污糟」，加上正值新冠肺炎疫情，自己已不容許孩子到客廳玩，其平日只能留在房間中。惟日前老爺回到家裡後，卻立刻衝到事主的房間門口跟孫兒說話，步伐之快令事主「想攔都攔唔住」，加上通道過於狹窄，事主要待老爺離開才能返回房間中。對此，她抱怨指：

「雖然戴住口罩啫，但手又未洗衫又未換，重伸隻手喺小朋友面前扮話拎佢隻公仔，大佬呀你都咪話唔驚......」

奶奶曾開口勸喻反被罵一頓

事主續指，小孩子還未夠3歲，自己欲出聲提點老爺卻又「唔知點話佢好」，當時奶奶亦曾開口叫老爺離開房間，「佢又死都瀨死喺度」。事主表示，平日奶奶和丈夫已經常提醒老爺保持良好個人衛生，但每次奶奶都會被老爺嫌麻煩，甚至被反罵一頓。

事主於文末指出，只要老爺一在家，自己都會感到擔驚受怕，「唔知佢幾時又有啲新搞作」，遂透過投稿向一眾網民「求助」，

「有冇人可以話我知可以點『對付』呢件『極品』？麻煩大家畀啲意見我，謝謝!」

不少網民看到帖文後，均十分同情事主的處境，但都認為搬離住處可能是唯一的解決辦法，「一齊住仲有好多問題發生架，有得揀搬返出去」、「接受唔到唯有搬，老人家活咗幾10年，價值觀和生活習慣係改唔到」；亦有網民建議事主「發聲」，「為咗保護自己小朋友，真係要出聲，唔使畀面任何人」；另外，亦有網民分享自己的經歷，表示身同感受，「10多年來，我奶奶唔會做任何清潔衛生，偶然都只係抹自己間房」、「我情況同你好似，我老爺係去完廁所唔洗手，啲底褲起碼着2日」。

撰文：蘇麗儀

責任編輯：李凱晴

文章授權：我的極品四大長老