《東張西望》實測台灣官方電飯煲乾蒸口罩 K.Kwong提出兩大要點影響效果

新型肺炎疫情於全球持續蔓延，各地市民紛紛搶購口罩自保，致口罩供不應求，遂各出奇謀延長口罩「壽命」。台灣中央流行疫情指揮中心，日前教人用電飯煲乾蒸口罩3分鐘，再焗5分鐘，聲稱可以保留原有口罩超過9成過濾效果，更可重用5次。TVB節目《東張西望》就找來化學博士K.Kwong，於節目實測乾蒸口罩的效果。

{{hket:inline-image name="iuiu.jpg"}}{{/hket:inline-image}}

(TVB電視截圖)

K Kwong稱理論上加熱處理口罩是合理，但不能用濕蒸，因為口罩是靠靜電過濾，一旦濕蒸時水蒸氣過多，就會毀㓕靜電，所以台灣提倡以乾蒸三分鐘殺菌，然而香港電飯煲每個牌子的溫度都不同，難以計算乾蒸所需的正確時間。

{{hket:inline-image name="0.jpg"}}{{/hket:inline-image}}

(TVB電視截圖)

K.Kwong提岀兩大變數會影響電飯煲乾蒸口罩效果：「我諗唔同牌子會差好遠，台灣電飯煲同我哋香港嘅結構上未必一樣，所以台灣做到嘅情況，香港就未必做到。另一個變數係電飯煲嘅大小、發熱線同口罩嘅位置，都有極大影響。由於變數太多，所以成效可能係某個情況做到，另一個情況又做唔到。」

主持人跟K.Kwong安排兩個口罩和電飯煲做實驗，測試口罩長度和靜電有咩變化。

{{hket:inline-image name="55e.jpg"}}{{/hket:inline-image}}

(TVB電視截圖)

{{hket:inline-image name="7.jpg"}}{{/hket:inline-image}}

(TVB電視截圖)

而測試發現，口罩蒸完後比原本的長度縮短3毫米(mm)，K.Kwong稱︰「受咗熱之後，佢個結構會改變咗，導致會軟化，唔一定要好高溫，接近所謂軟化點嘅溫度，都可以做到。」K.Kwong表示結構改變有兩個可能，第一個可能性是口罩中的纖維間距短了，變相密了，這樣會令戴的人更難呼吸，那空氣就會在口罩的兩邊漏出來，沒經過口罩。第二個可能性是口罩纖維間距疏了，就會影響到過濾效果。

相關新聞：【同心抗疫】殘疾人士口罩僅撐3日哽咽剖白 《東張西望》捐物資仲教燒一樣嘢殺菌

{{hket:inline-image name="87.jpg"}}{{/hket:inline-image}}

口罩蒸完後長度縮短(TVB電視截圖)

口罩中的熔噴布帶有靜電，而靜電有助阻隔病毒，進行乾蒸前口罩靜電會吸住手指，相反蒸過的口罩靜電減少，吸力亦減弱。K.Kwong稱：「細菌黏附喺飛沫嘅顆粒，可能係比網嘅細孔細得多，但口罩一樣會黏附到，因為有靜電，所以一旦處理完口罩，完全冇晒靜電，就會廢咗武功。」

{{hket:inline-image name="77.jpg"}}{{/hket:inline-image}}

蒸完的口罩靜電會減弱(TVB電視截圖)

撰文：羅慧怡