【抗疫護士】無品病人呼喝醫護無理要求多 前線護士訴辛酸：病人當自己皇帝

新冠肺炎疫情不斷升溫，近期本港確診個案急增，截至今日（8日）下午累計960宗，仍有673名患者留醫，醫院瀕臨「爆煲」，醫護人員面對極大壓力。有前線護士近日訴說在抗疫工作中，最辛苦的並非工時長或擔心裝備不足，反而是有些病人「當自己係皇帝」，經常對醫護人員呼呼喝喝及提出無理要求，帶給他們不必要的壓力。

一位自稱任職護士的網民昨日（7日）向Facebook群組「HA Secrets」投稿，指自己在前線抗疫超過1個月，平常工作中最辛苦並非工時過長、不能回家或擔心裝備不足感染，而是「要我對住一班當自己係皇帝嘅病人」。

該名護士表示，明白在疫情期間住院限制多，但並不代表病人可以對一班醫護呼呼喝喝，他指「冇人想病，亦都冇人想入院，入得院的話只要你願意配合，其實所有嘅嘢並唔係想像中咁差。」

住院後無理要求多 無理質疑醫護

帖文指儘管經多方面的勸告，仍然有人不理勸告去旅行、唱卡拉OK、飲酒或出席人多的社交活動，增加感染機會，不幸染疫入院後卻諸多要求，包括要求入住單人病房、批評醫院食物「食唔慣」要求叫外賣，甚至不斷挑戰權威問「點解唔係日日抽血」，正當醫生忙於接收入院新症時，該些病人又會不斷追問「點解（醫生）仲未巡房」，抽血後不足半小時又問結果幾時有。他形容：

「總之醫護人員做嘅所有嘢都係錯, 好似全香港醫護人員欠咗你咁樣。」

面對總總無理要求及投訴，該護士心淡慨嘆：「我係咪前世欠咗你，定係我係你殺父仇人 ?」他認為在疫情期間需要強制在公立醫院醫病，病人都要明白及體諒，提出的要求要合理，而基本禮貌亦同樣重要，

「得閒無事就搵醫護人員來發洩，乜咁樣做係啱嘅咩？如果連咁基本嘅禮貌都冇，我真係唔知你哋嘅父母點樣教導你。」

大量網民留言指病人亦應尊重別人，「成班都當自己係住緊酒店」、「自私的人」、「真係好多呢啲咁冇教養嘅人」，並向醫護表示感謝，指他們在疫情期間受到多方面的壓力，辛苦了一眾醫護。

撰文︰潘迦晴