《東張西望》柴犬Cafe狗狗疑集體被虐困黑房 關冷氣籠疊籠 肚瀉後與糞同眠

動物主題Cafe深受歡迎，近年香港有餐廳仿效日本，以可愛柴犬吸引客人。但早前有網友在柴犬專頁，上傳大量圖片和影片，指一間柴犬Cafe裡的狗狗生活環境惡劣，懷疑有人虐狗。《東張西望》攝製隊接觸該店前員工探討事件，並裝成顧客到涉事餐廳了解情況，一探究竟。

{{hket:inline-image name="ts.jpg"}}{{/hket:inline-image}}

(影片截圖)

{{hket:inline-image name="ew.jpg"}}{{/hket:inline-image}}

(影片截圖)

有網民在網上提出三大指控，其一是「籠疊籠」。從影片所見疑似是狗狗休息房間的窗戶都用紙封上，房間狗籠一個疊著一個，至少三層高，細小空間內竟有10幾20個籠。其二是籠尺寸極細，只約是成年柴犬的大小，狗狗無法伸展四肢同坐直身體。其三是衛生環境惡劣，柴犬疑似要與糞同眠，更有狗狗疑食糞便。

相關新聞：《東張西望》外傭瞞住僱主非法賣淫賺外快 FB群組甫性感低胸自拍照吸客

{{hket:inline-image name="32.jpg"}}{{/hket:inline-image}}

狗狗休息房間籠疊籠(影片截圖)

{{hket:inline-image name="5w.jpg"}}{{/hket:inline-image}}

狗狗疑食糞便(影片截圖)

{{hket:inline-image name="vc.jpg"}}{{/hket:inline-image}}

狗狗的籠被指過細(影片截圖)

據節目報道，涉事狗cafe有兩間分店，一間在銅鑼灣，另一間在何文田，店主還有經營寵物店和狗酒店。兩位前員工接受訪問時稱店主跟「愛心」兩字完全稱不上關係。前員工朱小姐（化名）稱：「每朝返去都見狗仔踩晒屎，食物盆、水盆都係大便。有時其中一層嘅狗狗肚屙，屎會跌落下面個層狗仔度。而個籠其實成犬豆柴都未必伸得直條頸，夏天咁熱，狗仔的房間又關晒冷氣同風扇，人類入去都覺得熱啦，何況狗狗係8隻一齊住。」

{{hket:inline-image name="9.jpg"}}{{/hket:inline-image}}

(影片截圖)

朱小姐在訪問中稱店中柴犬比其他正常狗狗瘦弱：「有時佢（店主）同我哋講，狗仔肚屙咪唔好畀佢見客住，先困佢入房先，等佢屙清先。」

經過多番聯絡下，攝製隊找到Cafe店主現身解釋，他否應指控，指前員工不滿被解僱，所以造謠中傷。店主稱自己有合符標準的地方供給狗狗寄住：「我點會喂唔飽狗仔，其實係員工懶惰，冇按照公司指引放狗仔喺合適位置，狗狗嘅冷氣、風扇，都係員工安排。」

{{hket:inline-image name="22.jpg"}}{{/hket:inline-image}}

店主陳先生否應相關指控（影片截圖）

{{hket:inline-image name="wa.jpg"}}{{/hket:inline-image}}

(影片截圖)

員工跟老闆各執一詞，到底誰是誰非？有網民稱店主只講無意義，促請店主公開CCTV，自然真相大白。但店主表示不願意，稱案件已交給警方處理，不方便公開：「其實我哋已經報警，搵返當日嘅籠、當日嘅狗，證實負責放狗嘅人犯法，將一隻好大嘅狗放入好細嘅籠。」

撰文：羅慧怡