親子行山切忌跟風 專家教家長出發前4大注意事項

近日吹起一股行山風，許多人紛紛湧上山頭，呼吸新鮮空氣之餘打卡拍照；亦有不少家長乘着周末好天氣，帶子女一同登高郊遊。一向以山野為教室的「愛童行學園」創辦人Kinal就提醒，行山是一門學問，家長出發前應充分做好預備，切忌抱打卡心態。

愛童行學園奉行芬蘭教育理念，主張體驗式學習，各山野和郊野公園都是他們日常教育學生的「課室」。有着豐富帶兒童行山經驗的Kinal說，其實2歲以上的小朋友已經可以開始行山，「2至4歲已經可以行啲初級嘅山徑，例如水塘、家樂徑，啲路綫環繞住水塘，同埋得一條路徑，會易啲。」他說。

有些家長會參考路綫難度有多少「星」來選擇行山地點，他就指出這些「星級」不可作準︰「每個小朋友同家長能力都唔同，無行開山嘅，1星都可以出事。」最重要是出發前做足準備工夫，「唔好見人post相，好似好靚就去，一定要做好準備。」

必備行山鞋 1至3km短綫為佳

工欲善其事，必先利其器。Kinal說，首先要預備行山裝束。「第一要準備行山鞋。有啲人着波鞋就去行山，但波鞋係畀人行平路嘅。行山鞋先可以應付到山路、石路、沙路，唔會滑腳。」他提到，5歲以上的小朋友一定要準備行山鞋，因他們已有一定身高，身體重心開始高。同時亦應選擇活動力佳的衣物，方便運動。

路徑方面，Kinal建議家長選擇1至3km的短綫，「3km以上小朋友會吃力。」過程要以輕鬆為主，以免小朋友「怕咗」行山，Kinal表示，「大人行山可能為咗親近大自然，但小朋友志在玩，一定要預時間畀佢停係度玩，所以短綫就比較適合。」

留意天氣預報 必須先探路

另外，亦要留意天氣情況。「例如依家春天，有時會大霧。可能山下面明明晴天，上到山就好大霧，一定要check清楚。」他提醒如遇上濃霧就應該離開，取消行程，切勿逞強。

Kinal強調，最重要的是出發前家長必定要先探路，熟悉所行路徑。「要帶小朋友去行山，一定要好熟條路綫，要識晒每一個分岔路。最好幾個家長一齊去探幾次路，為突發情況做好準備。」切忌貪新鮮和刺激，胡亂去行不認識的路徑。

發掘後山路徑 避開熱門地點

行山風潮令山區人滿為患，Kinal就提議大家發掘身邊的山徑，避開熱門的行山地點。「其實香港好多山，大家可以多啲發掘下屋企後山嘅山徑，何必同人逼呢？」他指很多路徑已經有山友繫好絲帶作記認，「可以約多幾個人，一齊行熟去再帶小朋友去，唔一定要去熱門地方。」

撰文︰王寶欣

圖片︰愛童行學園提供

編輯︰余運慶

美術︰梁政敏