7-Eleven捐6萬份食物 贈基層長者及無家者

面對疫情嚴峻，最近唔少大型機構都向長者或基層伸出援手，派發口罩等防疫物品。黛安前幾日都跟住好姊妹，參加咗7-Eleven夥拍慈善團體「北河同行」及香港基督教服務處嘅送飯盒行動，將6萬份7-Signature自家品牌鮮食產品包括麵包與飯盒，送到基層長者及無家者手上。義工朋友同時為前綫清潔工準備咗餐券，等佢哋放工後可以去7-Eleven分店換領食品。

黛安好欣賞7-Eleven一班同事嘅熱心，因為佢哋仲自發籌集防護物資包括口罩及藥油，準備咗1,000個抗疫福袋，喺深水埗派畀街頭清潔工及無家者，仲親口同佢哋打氣。公關姊妹話，原來7-Eleven嘅合作夥伴仲免費提供包裝與運送服務，以行動支持今次捐贈行動，黛安聽到都好感動啊。