【開心到飛起】鍾楚紅登六活到老學到老 紅粉緋緋全因「有人寵愛」

尋日係「大美人」鍾楚紅（紅姑）嘅60歲生日，好友蘇施黃（阿蘇）每年都會同紅姑一齊慶祝，事關二人嘅生日只係前後相差一日！阿蘇尋晚為紅姑送上「村上隆」花花嘅生日蛋糕，而紅姑見到個蛋糕開心到打開雙手飛起咁嘅樣，笑到見牙唔見眼。

{{hket:inline-image name="y.jpeg"}}{{/hket:inline-image}}

(蘇施黃facebook)

{{hket:inline-image name="ddde.jpeg"}}{{/hket:inline-image}}

(蘇施黃facebook)

而紅姑送畀阿蘇嘅禮物就係像真度超高嘅玉鮑魚，阿蘇仲將佢拍埋真鮑魚度影相，真係幾可亂真！

{{hket:inline-image name="ddd.jpeg"}}{{/hket:inline-image}}

(蘇施黃facebook)

阿蘇仲大曬紅姑嘅作品，透露佢最近又有新搞作，學習新手藝：「壽星女近年學日本『金繼』。愈嚟愈叻，手功非常好👍睇吓佢啲手藝 。」

{{hket:inline-image name="ddddd.jpeg"}}{{/hket:inline-image}}

紅姑「金繼」作品(蘇施黃facebook)

金繼係日本嘅傳統手工藝，喺破損嘅陶器上塗上天然金漆修補。網民都大讚紅姑果然係真女神，話佢嘅氣質係由內到外再到番內，用錢都買唔到咁話。

相關新聞：香港小姐鍾楚紅因一事息影 喪夫終身拒嫁 59歲散發少女味 減肥全靠3招

{{hket:inline-image name="s.jpeg"}}{{/hket:inline-image}}

紅姑「金繼」作品(蘇施黃facebook)

相中見已經年屆60歲嘅紅姑依舊紅紛緋緋，肌膚仲非常飽滿，明艷照人！紅姑曾經分享過，除咗行山之外，護膚亦係佢凍齡嘅秘訣。不過佢就話自己冇花太多時間喺塊面上面，反而覺得覺得「心態」係最重要嘅「護膚品」:「要熱愛生活，保持一個好嘅心態。一個人開唔開心，都會呈現喺面上，保持開心係最大嘅保養。一個被寵愛嘅女人、有愛嘅女人、幸福嘅人，自然就會有好嘅心態。」出名人緣甚佳嘅紅姑咁多人錫，難怪可以Keep住年輕啦！

{{hket:inline-image name="dd.jpeg"}}{{/hket:inline-image}}

(蘇施黃facebook)

撰文: 黃蘊姿