「雪糕仔」窩心貼圖 齊齊為護老者打氣

情人節除咗向愛人表達心意，都可藉住節日關心長者同佢哋嘅照顧者。公關姊妹同黛安講，聖雅各福群會護老者支援服務邀請咗插畫師用「雪糕仔」做主角，創作咗10款WhatsApp Stickers，配合明白、讚賞及珍惜等為主題，希望藉住呢啲窩心貼圖幫護老者打氣。

講番今次主角「雪糕仔」，其實佢係一位照顧公公婆婆嘅護老者，既有雪糕甜絲絲、軟綿綿嘅特質，又有堅強內心，正如好多護老者咁勞心勞力照顧長者，不如大家都送個「雪糕仔」貼圖畀護老者，嘉許下佢哋長期照顧長者嘅辛勞啦。只要去以下連結https://whatsticker.online/p/2553393sVB5P8/HK/zh就可免費下載喇。