百佳「黃金入屋」大抽獎 辦年貨兼贏飛行里數

好快就要迎接鼠年喇，大家準備好派利市同賀年禮品未？公關姊妹向黛安報料，即日起至今個月30日，百佳會舉行一個「黃金入屋笑住碌」新春大抽獎，易賞錢會員只要去百佳超市嘅門市，或者透過百佳手機應用程式單次購物買滿128元或以上，憑有效收據正本即可用手機上www.pnspromotion.com玩遊戲贏大獎！

黛安知道，今次抽獎獎品好豐富，包括有消費金額100倍嘅亞洲萬里通飛行里數，幸運兒名額共20位，齊齊瓜分100萬里數。另外，仲有價值2,000元百佳限定足金金幣、800元百佳禮劵同過百份豐富獎品，非常吸引。

除咗傳統賀年禮盒外，百佳都有好多海外進口嘅高級時令水果禮盒，例如塔斯曼尼亞車厘子禮盒，零售價688元/盒，優惠期內只需588元/盒；仲有日本雙色蘋果禮盒，零售價99元/盒，賀年價只需79.9元/盒，百佳獨家發售，用嚟送禮大方得體。另外，還有特級海味賀年套裝，賀年價588元/套；養生花膠開運套裝，賀年價668元/套。百佳網店亦會推出多個期間限訂購物優惠，大家快啲上網睇下啦。