7-Eleven買賀年糖果禮盒 送Sanrio玻璃焗盤

新年送賀禮係希望送上祝福，但大家有無諗過邊買邊收禮物呢？公關姊妹同黛安報料，即日起只要去7-Eleven分店購買指定糖果禮盒滿158蚊，即送你超可愛嘅Hello Kitty或布甸狗款式「Sanrio characters玻璃焗盤連蓋」1個；另仲有一系列新年必備嘅摺疊收納箱，同揮春、掛飾等，一於同成班卡通人物過新年！

黛安知道，今次7-Eleven推出嘅限量版「Sanrio characters玻璃焗盤連蓋」，可愛又方便，除咗印有Hello Kitty同Pom Pom Purin（布甸狗）圖案外，焗盤容量仲有成1.5L，適合焗出多款滋味美食，好似雞翼、薯蓉、意粉等，仲可以用嚟焗蛋糕、甜品，甚至裝住年糕、蘿蔔糕等賀年糕點，適合鍾意煮嘢食嘅姊妹！依家仲唔使儲印花，只要買指定糖果禮盒滿158蚊就送，仲可以拎走最少14個印花，絕對超值！

今年7-Eleven亦聯同一眾卡通人物，推出連串新年必備物件，好似一套2款MARVEL摺疊收納箱，分別有全黑色配上金色Marvel logo嘅型格設計，同Iron Man經典紅色配上Stark Industries logo，再附上CEO Tony Stark簽名，值得收藏。

另仲有多個SANRIO人氣角色揮春、盆栽掛牌、平安御守掛飾；仲有小熊維尼或者LINE FRIENDS主題風車等，幫你屋企煥然一新，充滿喜慶氣氛，梗有一樣啱你！