去7-Eleven買糖果零食 送Sanrio不鏽鋼保溫杯

農曆新年好快就到，黛安最近都準備緊得體嘅賀年禮盒去拜年。聽公關姊妹講，即日起去7-Eleven分店購買指定糖果禮盒或零食產品滿158元，即送你「Sanrio characters x Lowrys Farm不鏽鋼保溫杯」1個，仲可以畀你選擇喜愛款式，兼可獲指定數量印花！

黛安知道，今次嘅限量「Sanrio characters x Lowrys Farm不鏽鋼保溫杯」分別採用咗深紅色及深藍色型格色調，配上啞面杯身設計，以及用Hello Kitty同Little Twin Stars嘅影子為圖案，低調簡約有質感之餘，更顯型格。

呢個保溫杯唔止外表靚，亦夠實用。當中容量約有350毫升，使用304不鏽鋼真空保溫設計，耐受溫度為0至100度，無論係保溫定保冷效力都可以持續6個鐘。內裏亦係用可拆式矽膠圈，容易清洗，方便又衞生。杯底就加入咗矽膠防滑墊，令飲品不易倒瀉，杯身尺寸仲好啱放喺一般車內杯架，等你旅途中同樣可享受喜愛嘅飲品。想要嘅朋友記住早啲去7-Eleven掃貨喇，因為呢個靚靚不鏽鋼保溫杯數量有限，送完即止㗎。