【一切從失婚開始】趙頌茹見周永恒恐懼到手震：以前生活似喺地獄

ViuTV真人騷節目《一切從失婚開始》搵嚟薛世恆、葉蘊儀、李麗珍同趙頌茹（阿Yu）以及幾位素人一邊遊歷一邊分享佢哋嘅經歷。

相關新聞：薛世恒「被終結」6年隱婚生活 法拉重新出發嫁老外幸福放閃

喺尋晚播出嘅第三集入面，阿Yu去到日本參觀近年喺當地「興起」嘅「離婚儀式」。阿Yu跟兩位同樣失婚嘅素人，以及幾位當地人一齊做見證，以掌聲歡迎佢哋入場。一對日本夫婦神色都顯得非常沉重，其中一位素人都忍唔住跟住嗰位丈夫喊起上嚟。不過之後嘅儀式，包括用Cream掟提出離婚嘅一方；同埋掟「離婚花球」都令到阿Yu笑到失控。

{{hket:inline-image name="5.JPG"}}{{/hket:inline-image}}

一對前夫妻用有青蛙裝飾嘅鐵鎚打爛婚戒。日文中「kaeru」同時意味住「蛙」同「改變」。當有隻青蛙跳入生命，正係把握時機、往前進化嘅機會。（《一切從失婚開始》截圖）

{{hket:inline-image name="2.JPG"}}{{/hket:inline-image}}

提出離婚嘅一方要接受掟Cream懲罰，並維持咁可笑嘅姿態十分鐘。（《一切從失婚開始》截圖）

阿Yu見證完儀式之後都非常感慨，喺節目上大講佢離婚前嘅心路歷程。阿Yu年紀唔大但思想就好傳統，佢曾經覺得應該要維持一個家庭嘅完整性，要父母都喺子女嘅身邊方為圓滿。但今日嘅佢覺得唔好為咗表面「好睇」，以至婚姻裡面嘅本質已經腐爛都勉強繼續維繫。

{{hket:inline-image name="11.JPG"}}{{/hket:inline-image}}

（《一切從失婚開始》截圖）

{{hket:inline-image name="1528134459.jpg"}}{{/hket:inline-image}}

阿Yu曾被「人渣」前夫劈腿兼家暴。（網上圖片）

阿Yu提起遭受「人渣」前夫周永恒家暴的經歷，形容自己感到非常恐懼：「見到呢個人、睇到呢個人嘅信息都驚、都手震。以前生活似喺地獄，每日起身都唔開心，每日擔心老公離開、點對你同佢唔返屋企時要點算。」佢直言唔想再過咁嘅生活：「離開可能要面對真實問題，但起碼我換番嚟係我自己健康嘅心靈同我兩個女健康嘅心靈。」佢擔心如果小朋友持續睇住呢啲畫面長大，會影響佢嘅人格發展。

{{hket:inline-image name="13.JPG"}}{{/hket:inline-image}}

（《一切從失婚開始》截圖）

阿Yu又表示因為佢做娛樂圈呢行，所以佢離婚都唔可以同人講，雖然佢好硬淨一直忍住，但久而久之就搞到個人又瘦又唔開心：「我怕，「家醜不出外傳」，但反而全世界人都知道時，我好似抖咗啖氣咁（鬆一口氣）。」

{{hket:inline-image name="15.JPG"}}{{/hket:inline-image}}

阿Yu最後擁抱都同樣係因為小朋友先有勇氣離婚嘅日本失婚「人妻」，互相勉勵。（《一切從失婚開始》截圖）

阿Yu依家靠自己教養兩個囡囡，一樣過得好好：「為咗兩個女，為咗自己，為咗畀前夫成長機會。」阿Yu最終決心離婚，同前夫周永恒各自展開新生活。周永恒已經再娶大陸老婆，仲同佢生咗仔，不過冇幾耐之前又喺尖沙嘴因涉嫌喺公眾地方打交而被捕。

相關新聞：【又出事】周永恒尖沙咀被上孖葉拘捕 情緒激動當街跪拜警員3分鐘

周永恒有冇成長小編唔知，但阿Yu就好明顯成長咗好多，為母則強。

{{hket:inline-image name="19.JPG"}}{{/hket:inline-image}}

（《一切從失婚開始》截圖）

{{hket:inline-image name="49365973_2231072190465672_919371995696614007_n.jpg"}}{{/hket:inline-image}}

（阿Yu IG）

{{hket:inline-image name="18380705_1948000572096670_7813736115013156864_n.jpg"}}{{/hket:inline-image}}

（阿Yu IG）

撰文: 黃蘊姿