劇集《多功能老婆》已經播完，朱晨麗於劇中飾演巴辣闊太思蕾，表現突出，連劇集總監製陳寶華都非常欣賞，豪言她一定會紅。不過從選美奪冠到成功入屋的8年時間，原來朱晨麗過得不太開心，近日她接受商業電台節目《1圈圈 星光背後》訪問時大爆辛酸史。
(TVB電視截圖)
(TVB電視截圖)
(商業電台影片截圖)
現年32歲的朱晨麗在蘇州出世，家中經營煙草雜貨店。自小她已懂得跳拉丁舞、中國舞、芭蕾舞，至16歲獲香港演藝學院招收入讀舞蹈學院主修芭蕾舞，一直名列前茅，曾於2個年度獲得學院獎學金，又榮獲甘迺迪表演藝術中心全額獎學金，赴美國華盛頓深造，畢業後獲香港芭蕾舞團賞識，成為舞者。
直至2011年，朱晨麗參加香港小姐競選，可是她完全聽不懂和不懂說廣東話，結果被同屆港姐歧視，她自言只會傻笑應對：「同屆個個都講：『選港姐梗係選個識講廣東話㗎啦，唔通選你咩？』兜口兜面咁樣講我，都係嘅，我唔識講廣東話，選我出嚟把鬼咩？然後有啲話︰『我契爺咩咩咩』即係有啲背景，我再諗吓，我冇背景應該唔會中。」最後朱晨麗當選冠軍，兼獲最受歡迎大獎、歡樂大使獎及時尚目光大獎，翌年在國際中華小姐競選再獲大中華區典雅氣質大獎。
(東星圖片)
(TVB電視截圖)
朱晨麗一直被封做「翻版陳法拉」，入行後首部作品就是代替受傷的陳法拉接拍《名媛望族》，誰知飽受其粉絲批評，她憶述：「語言又唔得﹑演技又唔得﹑又唔識人！好沮喪，好多負評舖天蓋地，任何平台都見我名排第1位，馬國明同吳卓羲嘅粉絲轟炸我，陳法拉嘅粉絲又轟炸我。我係新人要承受咁大壓力，當時覺得呢個圈好恐怖。」
雖然之後朱晨麗為苦練廣東話，經常坐在茶餐廳偷聽長者怎發音，可是同年她和陳法拉合作拍《衝上雲霄II》時，對方不時問其他人︰「你哋覺得我哋似咩？我覺得我哋一啲都唔似㗎喎，你哋點解會覺得我哋似？」令她有感而發︰「我嗰時係妹妹仔梗係唔會出聲啦...人哋望就會覺得差唔多樣，有時我阿媽都會認錯我同其他女演員。」
(TVB電視截圖)
(朱晨麗微博截圖；TVB電視截圖)
近年朱晨麗獲公司力捧，曾擊敗林淑敏首奪最佳女配角，可惜外界只注目於其緋聞上。她否認李晉強、李日朗和黃子恒是其「觀音兵」，強調只是順路回家。至於被指與何廣沛戲假情真，她就說：「我哋係好好朋友，唔可以話我哋冇機會發展。我諗過40歲前結婚生仔，依家我係單身，未知Mr. Right出現未。」
(朱晨麗微博截圖；TVB電視截圖)
(朱晨麗微博截圖)
撰文：張芷晴