華娃佗女忍痛離開黃霑拒絕再等 黃宇詩做生意有着數贏在起跑線

華娃係活躍於1960年代至1970年代嘅女歌手，近年只係偶爾參與演唱會演出，甚少露面。華娃當年同已故前夫黃霑嘅一段婚姻曾受到大家祝福，可惜最後都係以離婚告終。華娃13歲時已認識黃霑，二人青梅竹馬，「我中一讀書就認識佢，嗰時佢對我一見鍾情，主動向我展開熱烈追求。我哋兩個都係天主教徒，我欣賞佢好虔誠，不過佢絕對唔係一個浪漫嘅男人。」

{{hket:inline-image name="TUNGSTAR2042822.jpg"}}{{/hket:inline-image}}

（東星娛樂）

喺眾人眼中，霑叔極度花心，華娃都唔願做一個等愛的女人：「因為佢好忙，冇時間陪我，當時又有其他男士追我，所以我間中同其他男士約會。誰不知佢真係好緊張，之後對我死纏爛打。」

{{hket:inline-image name="TUNGSTAR5987453.jpg"}}{{/hket:inline-image}}

黃宇詩與母親華娃（東星娛樂）

華娃曾經接受訪問，講到與黃霑嘅婚姻生活，華娃以「等」字嚟形容：「等食飯，等他回家，所有事情都是等。」被問到霑叔喺婚姻上值多少分，華娃答得有點避忌，只稱如果滿意，不會離婚收場。華娃續說：「我認為佢太任性，做事不顧後果，冇留意傷害到身邊嘅人。」

當年有傳霑叔係同已故才女林燕妮搞婚外情令婚姻破裂。最終兩夫婦於1976年離婚，育有3名子女黃宇瀚、黃宇文及黃宇詩，華娃喺懷有身孕嘅情況下仍堅持離婚。

{{hket:inline-image name="TUNGSTAR2042870.jpg"}}{{/hket:inline-image}}

華娃（左）與家姐劉韻（東星娛樂）

華娃生於音樂世家，五姊妹中夏丹同劉韻都有入行。家姐劉韻對當年華娃與黃霑離異一事感慨指「家家有本難唸的經」：「心裏面都唔係太喜歡呢個人（指黃霑）㗎喇！當年佢追華娃追咗咁多年都唔肯娶，突然間又話要娶，知唔知點解？因為嗰陣有個好有名嘅男明星追求華娃囉！」

劉韻口中的男星，原來就是當年與葛蘭拍攝電影《野玫瑰之戀》的張揚，最後華娃選擇咗當時仲係寂寂無聞嘅黃霑：「佢（黃霑）成日不修邊幅咁，都唔知個妹鍾意佢乜嘢，不過話時話，佢又真係好有才華嘅！」

{{hket:inline-image name="TUNGSTAR1862083.jpg"}}{{/hket:inline-image}}

（東星娛樂）

黃霑女兒黃宇詩曾短暫入行數年，之後淡出娛樂圈創辦內衣品牌。佢仲搵到曾志偉投資佢品牌，睇中志偉好似佢爸爸一樣永冇Say no：「其實搵過好多人，又要擔心對方背景、又怕對方話唔插手最後意見多多，因為自己都好有主見、好難搞。」志偉只係負責出錢，黃宇詩自然要更緊張睇實唔可以畀志偉蝕錢，而黃宇詩嘅生意之道係講求穩重。

{{hket:inline-image name="TUNGSTAR5974536.jpg"}}{{/hket:inline-image}}

（東星娛樂）

對比起大品牌，黃宇詩嘅品牌同廠商落單時不免被睇低，但黃宇詩自覺已比不少人幸運：「如果你係普通人去做，無conneciton，點解人哋要幫你？我覺得某程度上我係名人個女，會容易咗，呢個最關鍵。因為老竇真係太勁，細叔伯見到都會幫，所以真係no complain。」由網店到實體店至今已經7年，事事親力親為，力求完美嘅佢似乎做得非常滿足。

{{hket:inline-image name="TUNGSTAR209539.jpg"}}{{/hket:inline-image}}

黃宇詩與黃霑（東星娛樂）

撰文: 黃蘊姿