6000健兒同「毛孩」跑入欣澳 籌款助愛協樂協社

每年有唔少跑步比賽，但如果可以同「毛孩」一齊跑，就真係夠晒開心兼特別啦。黛安知道，本地首個以Snoopy為主題嘅跑步比賽「Snoopy Run Hong Kong 2019」，日前就喺東涌欣澳海旁圓滿結束，總共吸引約6,000位健兒同毛孩參與，唔少毛孩仲盛裝打扮，好萌啊！

公關姊妹分享，今次比賽除咗有1km「毛孩跑」（寵物組），亦設有2km同5km個人同隊際「朋友組」，大家可以齊齊喺東涌呢個城市綠洲，嚟番個Easy Run！當日比賽籌得嘅善款將用作捐助香港愛護動物協會同樂協社，聽講呢個咁有意義嘅活動，下年將會繼繼續舉行，大家記住留意啦！