憶「肥豹」鍾慧寧患情緒病墮樓亡 袁潔儀姐姐哽咽：佢唔想再入精神病院

52歲的袁潔儀在圈中出名重情重義，身邊朋友出事永遠盡力幫忙，當年好姊妹寶珮如遇嚴重車禍意外毀容，她二話不說仗義出手，助她渡過難關，就算自己先後三次流產，潔儀姐姐亦能樂觀面對。唯獨提到好友「肥豹」鍾慧寧，潔儀姐姐總是情緒激動，不能釋懷。近日潔儀姐姐接受TVB訪問，向大家教路揀靚蟹時，提起好友自殺一事，她也一度哽咽說不下去…

{{hket:inline-image name="TUNGSTAR6082510.jpg"}}{{/hket:inline-image}}

（東星娛樂）

鍾慧寧因為身材高大圓潤，花名叫肥豹，以前主要做《今日睇真D》主持，直至02年被亞視裁走，再無機會在幕前出現，之後她便患上情緒病，10多年來病情反覆，雖則有在亞視認識的老公馮永泉照顧，但心中鬱結難解，最終在2014年選擇跳樓自殺。

相關新聞：【街坊財爺】袁潔儀三度流產堅強面對 仗義出錢救車禍後毀容寶珮如

{{hket:inline-image name="fddd.jpg"}}{{/hket:inline-image}}

鍾慧寧（影片截圖）

{{hket:inline-image name="fff.jpg"}}{{/hket:inline-image}}

鍾慧寧（影片截圖）

也許同樣是亞姐出身，潔儀姐姐和鍾慧寧彼此感情很深厚。潔儀姐姐在訪問中很感觸地說：「其實佢（鍾慧寧）食藥都食咗10幾年，我以為佢情緒病好番㗎，因為聚會食飯佢都有講有笑。但後來先知，接近自殺嗰兩年，佢情況非常嚴重，只不過我哋察覺唔到。我聽佢男朋友講番，先知嗰兩年佢嚴重到入過兩次精神病院，而點解會走上自盡呢條路，係因為佢唔想再入精神病院，但唔入既話又怕屋企人會受罪，於是最後選擇咁樣離開。」講到一半潔儀姐姐眼泛淚光，之後說：「點都好，佢釋懷就夠。」

{{hket:inline-image name="hc.jpg"}}{{/hket:inline-image}}

潔儀姐姐提到好友時很感觸（影片截圖）

{{hket:inline-image name="gccc.jpg"}}{{/hket:inline-image}}

（影片截圖）

潔儀姐姐為人相當有義氣，當年寶珮如遇嚴重車禍，下顎面骨盡碎毀容，行不到路，7年間不停做手術，一度陷入財困，更想過自殺，好在多得袁潔儀，每次登台賺的錢就分一半給她，助她渡過難關。潔儀姐姐謙虛回應：「我只不過嗰時咁啱有啲錢，咪分享下，見到佢（寶珮如）有困難，當然要幫手。當時我係供緊樓，但我又無咩所謂，反正大不了咪罰息，我仲有手有腳，一定會揾得返錢。從另一個角度睇，係佢嘅遭遇教識我做人要勇敢，唔好畏懼。」

相關新聞：【牛下女高音】寶珮如經歷車禍毀容無礙追夢 入無綫劇接劇幸得老公支持

{{hket:inline-image name="bkn-20181028060919958-1028_00862_001_01b.jpg"}}{{/hket:inline-image}}

潔儀姐姐跟寶珮如和她的老公（IG圖片）

撰文: 羅慧怡