麥當勞╳林嘉欣出精美繪本 讓兒童享受閱讀

閱讀習慣應該由細培養，黛安知道，香港麥當勞自2015年開始推出「Happy Reading親子閱讀樂」，除咗同海洋公園、護苗基金和東華三院等機構合作，仲搵嚟甜心媽咪林嘉欣，為開心樂園餐推出繪本，作品一向都深受大人同小朋友歡迎㗎。

黛安聽公關姊妹講，麥當勞今年底會透過開心樂園餐送出近600萬本兒童圖書，而且仲會有林嘉欣特別聯同日本藝術家渡部真由美攜手創作，以「小幻想大世界」為題嘅全新繪本系列，佢哋以「玩樂」「FUN」「PLAY」，創作出一系列3套名為《我要玩》、《好無聊喔》和《我不害怕》嘅繪本書同遊戲書。嘉欣今次仲特別將繪本書刪走文字，加入渡部真由美嘅插畫，等小朋友可以對故事書有更廣闊嘅幻想空間。

黛安仲知道，麥當勞crossover林嘉欣「小幻想大世界」遊藝節，會由即日起至11月14日，喺紅磡站麥當勞餐廳內嘅全新兒童樂園區舉行，到時大家可以透過互動遊戲、繽紛插畫布置同埋由林嘉欣擔任圖書館館長，等家長同小朋友透過「玩樂」更享受閱讀。

一系列3套共6本嘅繪本書同遊戲書，會喺今個星期五（25日）至11月14日期間，每星期輪流隨開心樂園餐送出。遊藝節期間，大家可以喺紅磡站麥當勞，用100元購買一套六本嘅繪本書同遊戲書慈善套裝㗎，所有收益都會全數捐畀麥當勞叔叔之家，幫助有需要嘅病童。可以做善事，又可以同小朋友享受閱讀樂趣，各位家長放假時記得帶小朋友一齊去喇。