香港國際美酒展 下月會展登場

黛安周末收工後，最鍾意約埋好姊妹小酌一番。聽講由貿發局舉辦嘅香港國際美酒展，將喺下個月7至9號於會展中心舉行，今次更帶來一批猛龍過江嘅好酒，值得一試！

公關姊妹話，今年美酒展踏入第12屆，雲集逾20國家及地區、1,000家來自世界各地參展商，包括烏克蘭、法國、南非、智利等，吸引世界各地嘅葡萄酒產區、酒類商會同政府組織等參與，組織約20個展館，包括首次入展嘅日本鳥取縣。另今年嘅啤酒展區仲首設「手工啤酒館」，包括數個本地品牌。

承接去年佳績，貿發局再度同理大酒店及旅遊管理學院合辦亞洲葡萄酒學院，今年邀得全球首位華人侍酒大師呂楊、同葡萄酒大師李志延（Jeannie Cho Lee）教授卡本內（Cabernet）主講。另大會將舉行葡萄酒、白蘭地、威士忌試酒環節、大師班等多項精采活動。公眾可於最後一日（9號）參與，而即日起至下個月8號，可以喺HKTVmall、HoKoBuy等以99元團購價購買入場券！