美利酒店導賞團 齊來發掘歷史驚喜

唔少人同黛安一樣對歷史好有興趣，其中有歷史價值嘅建築物就相當吸引啦。公關姊妹最近有好介紹，就係今個月起香港美利酒店將推出每日兩節、每節60分鐘嘅「美利歷史導賞團」，等大家可以發掘歷史的驚喜！

黛安知道，香港美利酒店原址係建於1969年的美利大廈，當時由英國現代主義建築師Ronald Philips設計，為香港當時其中一個最矚目嘅地標；香港美利酒店早年以1億美元保育，將舊政府辦公大樓活化成酒店，當中嘅標誌拱廊、獨特幾何設計仲保留至今。

酒店今次為本地居民同旅客而設的免費導賞團，除會介紹酒店豐富嘅歷史同建築設計等，仲可以欣賞喺酒店前庭聳立多年、古樹名木冊中僅存2棵珍貴樹木之一嘅節果決明（Cassia Javanica var. Indochinensis）百年古樹，機會難逢記得預約報名參加喇！