蕭正楠突然宣佈同翠如結婚 全場激動恭喜新人

嘩！不到今年頒獎禮竟然被騎劫變成婚禮！頒獎嘉賓洪永城同黃翠如原本正在頒發「最受歡迎電視拍檔」，由蕭正楠同曹永廉奪得。鏡頭一轉，蕭正楠突然在電視鏡前乘機宣佈已娶黃翠如為妻，深情表白：「2018年喺我工作上有好多成就，做咗好好嘅綜藝節目，而喺我人生都做咗一個好大嘅決定，我好想趁呢個機會，多謝我太太黃翠如！我..我依家好心神恍惚，好希望講啲好浪漫嘅嘢感動我太太，我個腦仔好有限，唔係好識講好多嘢。我好多謝你令我學識照顧人啦，令我學識做個更加好嘅男人。其實今晚呢個承諾都幾大鑊㗎，因為全香港嘅觀眾都知道，多謝大家俾我呢個機會！」，邊講邊口窒窒，好明顯勁緊張。而準蕭太黃翠如都感動到淚崩，甜絲絲地望住蕭正楠。

聽到咁大個消息，好兄弟曹永廉即刻叫大家：「一齊數三聲恭喜，蕭太！」，其他藝員同事都非常激動同驚喜，全部企晒起身起鬨，主持們就一蝸蜂衝上前緊抱一對新人：「恭喜一對新人合巹交杯同世紀一吻，唔好意思突然間變婚禮，我哋一齊恭喜蕭生蕭太，祝百年好合，永結同心。」，甚至邀請二人在鏡頭前世紀一吻，認真幸福！其實早在上年二人已經婚訊傳出，不過當時黃翠如出席活動隨即否認此事，如今即場正式公佈婚訊，終於可以接受大家的祝賀。

{{hket:inline-image name="36.jpg"}}{{/hket:inline-image}}

{{hket:inline-image name="39.jpg"}}{{/hket:inline-image}}

{{hket:inline-image name="40.jpg"}}{{/hket:inline-image}}

{{hket:inline-image name="38.jpg"}}{{/hket:inline-image}}

{{hket:inline-image name="37.jpg"}}{{/hket:inline-image}}

{{hket:inline-image name="41.jpg"}}{{/hket:inline-image}}