迪士尼全新長者優惠 老友記65折歎自助餐

迪士尼樂園向來老少咸宜，嚟緊又有優惠！黛安聽公關姊妹講，香港迪士尼即日起至11月30日期間，園內3間酒店指定餐廳將推出「長者月」自助午餐專享優惠，65歲或以上、持「長者咭」嘅賓客可「返老還童」，以小童價享用自助午餐，折扣最高達65折。

每年11月嘅第3個星期日，都係香港嘅「長者日」，11月仲被視為「長者月」，所以香港迪士尼都要為呢班老友記帶來驚喜，三個自助午餐各有特色，好似香港迪士尼樂園酒店嘅翠樂庭咁，就可以享用凍開邊龍蝦、蟹腳、堂切美國有骨牛肉，仲有即煮海鮮粥、鮑魚雞絲粥等美食，黛安聽到都想食呀。

而中西美食齊備之外，當然亦會有迪士尼朋友驚喜現身，小朋友開心之餘，老友記都可以大放童心。翠樂庭成人自助餐收費398元至438元一位，老友記同小朋友就可以低至258元享用，變相差唔多係64折，真係唔可以錯過！

另外，樂園亦會提供長者門票優惠，100元就可以入園暢遊，一於帶齊一家大細去迪士尼玩番餐啦！