REDBULL極限挑戰賽 懸浮獨木舟考體能意志

一提起三項鐵人，唔少人都會諗起游水、跑步等運動；而於日前舉行、由香港遊艇會同RED BULL合辦嘅「RED BULL三項極限挑戰賽」，就加入懸浮獨木舟運動，挑戰參加者嘅體能同意志！

黛安知道，14位來自不同界別嘅本地精英運動員喺上周六（21日）參加揭幕戰，賽道起點係熨波洲沙灘，各人先由沙灘跑上懸浮獨木舟，划往深水灣後折返，再跑上熨波洲沙灘衝綫，總長度2公里。越野跑環節中，參賽者就要跑上高284米嘅打爛埕山、436米嘅紫羅蘭山同100米嘅熨波山。

賽事最終由香港賽艇代表李嘉文領軍嘅隊伍率先衝綫，「李氏姐妹花」李嘉文同李婉賢同黛安分享，懸浮獨木舟好易上手，只要透過基本訓練後就可以落場比賽；聽落唔太難玩，大家有冇興趣參與呢？