現年75歲嘅影星麥嘉鮮有喺公開場合露面，所以日前佢榮升做老爺現身婚宴會場時，即刻搶晒一對新人鏡，個個都爭住集佢郵呀！麥嘉戲入面嘅囝囝王嘉明我哋就見得多喇，細個Cute到震嘅佢，30幾年後都仲係咁眼大大同青靚白淨；而麥嘉現實中嘅阿仔Rocky同女友Annie早前就喺尖沙咀某酒店舉行婚宴，Rocky原來非常高大靚仔！
戲內囝囝王嘉明。（電影截圖）
（電視截圖）
一對新人上台致辭時，新娘子Annie聽到丈夫嘅感言後當場落淚；老爺麥嘉上台時就發揮其搞笑本色，令現場賓客捧腹大笑，氣氛溫韾又和諧。
新娘子喊到收唔到聲！（網上圖片）
現場氣氛既感動又溫馨！（網上圖片）
而胡杏兒丈夫李乘德（Philip）係Rocky嘅好友，仲係伴郎團成員，佢喺自己社交網Post出一張同新老爺麥嘉嘅合照並留言:「When you go to your mates wedding and all you want is to take a photo with his dad.」佢笑言自己參加兄弟嘅婚禮係因為想同佢爸爸合照，認真「唔畀面」呀！
（Instagram圖片）
（Instagram圖片）
婚宴後，唔少賓客都喺社交平台分享合照，機會難逢，麥嘉都成為大家嘅集郵對象。相中見到麥嘉容光煥發，除咗塊面多咗肉之外同幾10年前都係差唔多。
人逢喜事！（Instagram圖片）
郎才女貌～（Instagram圖片）
新娘着上簡約服飾，但都好靚！（Instagram圖片）
麥嘉當年喺紐約布魯克林理工大學主修電子工程，1969年喺新澤西嘅電話公司任職工程師數年，後來辭職去紐約大學先學電影後學美術。70年代開始投身電影事業，經常集監、導、編、演員兼出品人於一身，1983年更獲得香港電影金像獎最佳男主角。麥嘉直至2016年仍然有作品出產，幾乎橫跨半個世紀，為香港電影界最光輝嘅時代貢獻良多！
（電影截圖）
撰文：黃蘊姿