《愛回家》葉凱茵流產險死為養家撐住 如今TVB綠葉背後竟是大老細？

41歲的葉凱茵接下來在新劇《街坊財爺》有演出，可惜今次戲份較少，沒有發揮空間。入行17年，葉凱茵有「TVB御用秘書」之稱，雖然演配角為主，不過網民都讚賞演技夠自然。要數最令觀眾印象深刻就是《愛．回家之開心速遞》的Mollie，惟後來被何綺雲飾演的Ma姐取代。不說不知道，其實葉凱茵曾經經歷過喪子之痛，一度懷疑患上驚恐症、中風，幸而最後靠意志力及家人支持撐下去，如今成功做到美容生意大老闆！

{{hket:inline-image name="12.jpg"}}{{/hket:inline-image}}

(TVB電視截圖)

{{hket:inline-image name="11.jpg"}}{{/hket:inline-image}}

(TVB電視截圖)

不幸流產承受喪子之痛 疑患驚恐症險中風

葉凱茵未入行前做過秘書，2002年參加香港小姐競選入行，同屆冠軍為林敏俐。早年，葉凱茵與李思捷因拍劇撻著，但有傳因有人花心及大男人性格，令葉凱茵提出分手。直至2009年，葉凱茵與圈外眼鏡商人郭家樑閃婚，誕下大仔，成為人母。在2015年，葉凱茵再度懷孕，政府、私家醫院都有檢查，本來一切順利，惟懷孕9個月時患上突發性妊娠毒血症。早年葉凱茵接受傳媒訪問時重提事件，希望大家知道疾病的嚴重性，據知當時她以為腹痛是作動要生，送院時仍很清醒狀況，怎料被告知胎死腹中，即時又驚又亂，血壓升到為180，有中風可能性，命懸一線，她說：「醫生話BB已經冇咗心跳、已經冇得救。醫生要即刻催生佢出嚟，當時自己清醒、好驚、好慌、好亂、好痛！醫生話我執番條命都好好彩。呢個病真係太恐怖，有啲人會有先兆，我就一向好健康，冇諗過咁不幸嘅事會發生喺我身上。 」

經過幾個月治療，葉凱茵在家休養多月，終於慢慢復原。面對BB夭折之痛，葉凱茵初時情緒不穩，不時哭泣，一度懷疑自己有驚恐症，幸好有大仔支持、老公又有悉心照顧，才沒有精神崩潰。如今她終於能夠積極面對人生：「喺房突然間好驚，好彩個仔好活躍成日黐住令我分散咗注意力，成日同自己講仲有個仔，唔可以冧...依家仲有乜好怕，死都幾乎試過，執番條命好好彩。」 不過葉凱茵話，因為擔心那個畫面記一世，結果沒有見細仔最後一面，成為人生遺憾，所以如今每日同BB祈禱：「同佢講對唔住，可能同佢冇緣份。」

{{hket:inline-image name="13.jpg"}}{{/hket:inline-image}}

(葉凱茵instagram)

綠葉變成美容生意老闆

大難不死後，葉凱茵與朋友合資6位數字搞生意，開設網店售賣美容產品，希望個仔將來過得舒服。她表示自己主要負責宣傳，拍檔負責入貨，產品會試過才賣，面膜都試了10幾、20種，效果不好就不會入貨，目標係是多開間舖專賣潮物。

{{hket:inline-image name="14.jpg"}}{{/hket:inline-image}}

(葉凱茵instagram)

{{hket:inline-image name="15.jpg"}}{{/hket:inline-image}}

(葉凱茵instagram)