近日盧宛茵（Madam）剛剛完成她人生的首次個人演唱會，雖然已經年屆66歲，但仍然唱得跳得，非常厲害。今次為Madam排舞和伴舞的原來就是方紹聰（奶仔），奶仔多年來都是拍劇為主，近年在《鐵探》演「發瘟」和《白色強人》演精神病人，短短幾場戲卻令觀眾留下深刻印象。今次奶仔換個身份做排舞老師，他接受《晴報》訪問時說：「其實大家認識我都係演戲為主，其實我跳舞已經有十年咁耐，上次為漢洋排過舞，今次再為Madam呢位前輩排舞，真係好榮幸，加上Madam好鍾意試新嘢，大家合作得好開心。」
相關新聞：盧宛茵31年前離婚復出為養家 哭訴被某位男藝人侮辱之苦
方紹聰為Madam Lo擔任排舞老師兼伴舞，真係估佢唔到。(圖片：大會提供)
奶仔大讚Madam肯嘗試新事物，所以合作起來非常開心。(圖片：受訪者提供)
奶仔帶埋家人一齊支持Madam。(圖片：受訪者提供)
奶仔好多謝前輩嘅信任，令佢自己另一面的專長可以有所發揮。(圖片：受訪者提供)
除了排舞之外，奶仔絕對是周身刀張張利，他識得唱歌、打鼓、彈結他，而剛剛的假期入面，他除了嘗試獨自在台灣環島遊外，更挑戰自己，考取潛水牌照。奶仔說：「人生第一次潛水體驗喺泰國，不過玩完覺得好驚，後來覺得驚係因為自己唔夠熟悉，所以我好想克服恐懼，決定去學潛水。」奶仔在墾丁學習兩個課程，除了下水的實戰訓練外，亦有不少書本上知識要溫習。
相關新聞：【人在野】方紹聰隻身單車環島遊台慶生 撈過送貨仔原來好有用？
嘩，海底好熱鬧呀！(圖片：受訪者提供)
考潛水牌並不容易，奶仔每日都做足功課。(圖片：受訪者提供)
五日的潛水訓練，令奶仔有好多不同的經歷。(圖片：受訪者提供)
人魚....魚人呀！(圖片：受訪者提供)
不過期間發生驚險事情，奶仔表示幾乎無命返香港，他說：「有一晚夜潛原來我一直尾隨教練，但突然發現就算我一直用盡全力踢水，但係教練同我愈來愈遠，我突然意識到自己被啲嘢纏住咗咁，呢個都唔係最可怕，最可怕係我感覺到自己急速上升緊，當時我喺水深12米，急速上升係非常危險。」奶仔表示心入面非常擔心，但一方面嘗試調節呼吸和心理狀態，再發出求救訊號，幸好教練及時營救，先執返條命。奶仔說：「其實真係唔知咩事，係咪靈異事件呢？教練估計可能被釣魚人士纏住，不過連呢種超罕有情況都經歷過，就成就我係一個有經歷嘅見習潛水員。」
奶仔終於克服到心理障礙。(圖片：受訪者提供)
死裡逃生，奶仔多得教練的相助。(圖片：受訪者提供)
終於成功考到潛水牌喇，恭喜恭喜！(圖片：受訪者提供)