又一城$10溜冰 感受清涼夏日

夏日炎炎，最好係留喺室內活動啦，溜冰就不失為一個消暑好選擇！公關姊妹同黛安講，又一城歡天雪地嚟緊將推出2019溜冰優惠第二擊嘅限時優惠，喺9月指定時段內，入場票價只需要10蚊，大家都可以趁機去體驗下清涼嘅夏日！

又一城歡天雪地平時入場門票要60至65蚊，為咗鼓勵大眾喺新學年發掘新興趣，所以喺9月2號至6號，同埋9號至13號期間，逢星期一至星期五指定時段，就會推出限定10蚊入場優惠，包一節時段入場費之餘，仲連埋租溜冰鞋費用，真係好抵啊。每日名額有100名，先到先得，額滿即止。黛安都聽到好心動，一於約埋成班姊妹齊齊去又一城溜冰先得。