出示昂坪360門票 免費入韓國照相館打卡

唔少港人都鍾意去韓國旅行，黛安知道昂坪360最近有個夏日限定活動「昂坪Chill Cool Summer」，首次有韓國人氣拍照館「Instasia」進駐，由即日起出示任何一張昂坪360門票，就可以免費入去盡情打卡；唔使坐飛機都影到韓風靚相，真係相當吸引啊。

昂坪360公關姊妹話，而家行入昂坪市集，主題景點「與佛同行」會變身為「韓國打卡展」，「Instasia」糅合咗蝴蝶等昂坪特色元素，打造出5大仙氣場景，加上3幅分別由「文青女神」袁澧林、本地同法國藝術家繪製嘅打卡牆，無論咩角度都影到好似仙境咁。

除咗影靚相，公關姊妹提提大家，記得試埋昂坪360獨家推出嘅紫背天葵雪葩，以及一家大細可透過免費蝴蝶布偶劇同大自然導賞團等活動，體驗一場蝴蝶之旅。本地25歲或以下嘅全日制學生喺夏日限定活動期間，可享半價優惠購買纜車門票；夏日限定活動去到9月1日，大家千祈唔好錯過啦。