鷲哥吳岱融舊照曝光威震連登 從影35年最經典竟是床戲

很多人都知道誰是鷲哥吳岱融，他留有白黑相間的頭髮同鬍鬚，勁有佬味。近日連登討論區瘋傳他28歲《絕代雙驕》的古裝造型相，大家才驚訝原來以前他的外表是如此有型、正氣，與如今奸到出汁的形象截然不同：「點解以前香港啲明星咁多靚仔嘅，三哥之後就到佢」、「佢真係幾型，靚仔得黎好英氣，屈機過所有kpop啦」等。從影35年，吳岱融的形象好百變，不過最令人記得、最經典還是與老婆在三級片的露點床戲。講返套戲，吳岱融都好感歎：「以前有8成華人唔睇好！」，如今咁受連登仔歡迎，仲帶挈「臭雞（死妓女）」一詞變成潮語，證明他的演技有幾出色、影響力有幾深。

{{hket:inline-image name="18.jpg"}}{{/hket:inline-image}}

(TVB電視截圖)

從影35年最經典竟是床戲

吳岱融在新加坡出世，小時候就在工廠做嘢養家，之後輾轉變成歌廳業餘歌手，再於機緣巧合下參加新廣第5期演員訓練班，正式入行。原本吳岱融是80年代初新加坡電視圈當紅小生，曾有新加坡第一帥哥稱號。1987年他毅然到香港發展並簽約TVB，演出多部古裝佳作，如《絕代雙驕》、《邊城浪子》、《玉面飛狐》，極速上位成為80年代尾至90年代初TVB一線小生之一，每次他的古裝look都大受好評。點知去到93年因為去亞視宣傳唱片被TVB雪藏，之後他為了生計接拍露點三級片，當中《滅門慘案之孽殺》最為經典，因為當中的床戲女主角正是現任妻子鍾淑慧。後來二人戲假情真，更在1995年結婚。提返起套戲，吳岱融就話：「其實我係個好鍾意做戲嘅人，我覺得每個角色要全情投入落去，我覺得（拍三級片）唔係壞事。喺華人社會，嗰時8成人都唔睇好，但好似日本有啲女仔，10多歲願望就係當AV女優，但佢哋文化接受到。」

{{hket:inline-image name="11.jpg"}}{{/hket:inline-image}}

去到2015年重返TVB簽了6年藝員合約，自知已經不是花美男的吳岱融於是一改戲路，在劇集《巨輪II》、《乘勝狙擊》扮演奸到出汁的大反派，成功彈起。在《巨輪II》中吳岱融飾演獸父鷲哥，先與女兒陳凱琳亂倫，發曬狂話：「你係我最心愛的女人，我得唔到你，其他人都唔可以，你要一世留係我身邊……」，然後把她抱入房強姦；更加搞兒子張致恆的女朋友李佳芯，多次大罵她是「臭雞」，爆出金句對白：「我同你one night stand姐，你估fall in love咩」，又斥責張致恆懦弱，其惡樣及聲線拿捏得非常出色，霸氣外露。

{{hket:inline-image name="17.jpg"}}{{/hket:inline-image}}

(TVB電視截圖)

{{hket:inline-image name="13.jpg"}}{{/hket:inline-image}}

(TVB電視截圖)

{{hket:inline-image name="14.jpg"}}{{/hket:inline-image}}

(TVB電視截圖)

{{hket:inline-image name="15.jpg"}}{{/hket:inline-image}}

(TVB電視截圖)

去到《乘勝追擊》他飾演的角色蔣天龍明明就中途才正式出現，不過一出場氣場便強大連主角都比下去。劇情講述講述吳岱融本來不斷刻薄其舊情人呂珊，但因為向單立文報復，在逃走時被呂珊封著去路....急起來就狂罵呂珊是「八婆」及「臭雞」，幸而吳岱融最終慘被對方桶死。雖然這套劇並無床戲，不過吳岱融的演出同樣獲得網民激讚：「carry晒成套嘢」、「真係靠佢一個撐起套劇，好多人係因為佢夠霸氣、夠痴線先睇」所以話吳岱融做戲其實好掂，希望公司俾多點機會他，飾演更多大奸角給觀眾、網民欣賞吧。

{{hket:inline-image name="16.jpg"}}{{/hket:inline-image}}

(TVB電視截圖)