方便社區街坊參與環保生活 屈臣氏推膠樽回收換現金

「走塑」文化愈來愈普及，除咗唔派飲管、自備購物袋外，做好回收其實好重要。公關姊妹話畀黛安知，屈臣氏蒸餾水就負起社會責任，今年4月起已推出咗19部「智能膠樽回收機」，用回贈吸引市民回收膠樽，短短三個月已收到5萬個膠樽，平均每部機一個月收到877個樽，成績非常唔錯！

屈臣氏實業市務總經理于德超都同黛安分享，預計今年內可加多10部機，放置地點包括樂富廣場、黃大仙中心、赤柱廣場、海濱匯、T Town、T.O.P和TKO Gateway等7個領展商場，街坊想參與環保生活就好方便喇。同埋屈臣氏都會同AlipayHK合作，即日起部分回收機都做到現金回贈，8月底就推廣至全綫回收機。

于先生仲話，本身已買咗400部回收機打算投入服務，不過因為鋪設回收網絡需時，預計5年後先可以全面投放到社區，預計今年內全港有30部機做回收，明年計劃喺離島都擺放回收機。