港婦遊韓堅持廣東話溝通 買鮑魚發現唔包蒸即棄單

去旅行除了要尊重當地文化外，亦應切勿做出失禮自己、失禮香港之事。一名領隊發文抱怨，指她近日所帶的遊韓旅行團中，有一名婦人的野蠻程度是「世界級」。她指出，該名婦人在海鮮市場的路邊檔買鮑魚時，堅持用廣東話及肢體語言溝通，因此與講韓文的檔主「雞同鴨講」；當發現檔主未按「承諾」即場將鮑魚烹蒸時，婦人即出爾反爾拒買棄單。由於檔主已將鮑魚洗刷好及起殼，因而蒙受損失，「阿豬媽咁就蝕咗幾隻鮑魚」。

婦人指檔主「承諾」烹蒸鮑魚

該名領隊向Facebook群組「西客之道 Hispitality Secret」投稿，指帶團友到南韓釜山機張市場食海鮮期間，涉事婦人一家三口在路邊檔買鮑魚期間，與不諳英語的檔主發生爭執，她與導遊立即上前了解。婦人指出，檔主本來「承諾」會幫他們烹蒸鮑魚，「我哋先肯買」；導遊向檔主了解後，向婦人解釋道：

「人哋係話你可以去賣蟹（嘅）舖頭幫襯，順手蒸埋鮑魚唔使另外加錢。」

婦人聽罷，立即反駁道：

「冇可能，我同咗佢講我哋唔買蟹，淨係買鮑魚，要take away，佢話ok，我哋先肯買。」

婦人與檔主「雞同鴨講」

領隊聽後好奇婦人如何跟講韓文的檔主溝通，於是詢問婦人：「咁你哋同佢講咩話呀？」對此，婦人理直氣壯地回答：

「緊係廣東話啦，仲做埋肢體語言！」

此時，導遊忍不住再解釋多次：

「但人哋淨係識講韓文，佢都講得好清楚，係叫你地入舖頭買蟹嗰陣順便蒸埋，同埋你都睇到佢哋呢啲路邊檔邊有可能幫你蒸，而家人哋已經刷晒起晒殼啦喎！」

雖然如此，但婦人仍堅持自己是「受害者」，「咁點呀？佢明明係話會幫我蒸埋，我先要咋喎」。雖然領隊再次追問「你聽得明佢啲韓文？」，但婦人仍表示「聽唔明，但我肯定佢係咁嘅意思！」，然後便拂袖離去，留下數隻已處理的鮑魚。

網民怒斥：唔好影衰香港人！

此事引來網民熱議，不少人紛留言指責涉事婦人橫蠻無理，「唔好影衰香港人」、「真係不知所謂」、「咁樣係欺負漁民，知佢地只能啞忍，超級過分」、「咁如果人哋嚟香港玩，用韓文同香港人講嘢，都唔會聽得明啦」。亦有人認為今次並非孤例，指出香港旅客不時在外國出醜，「相信係純正香港人機會好大」、「哈哈，喺日本成日都見到呢類人」、「所以香港人幾時都係不受歡迎旅客三甲」。