無綫劇《白色強人》昨晚（7月3日）一集講到Dr.Lui（張曦雯 飾）身穿性感低胸晚裝, 出席醫改方案晚會, 張曦雯(Kelly)喺劇中一身高貴打扮, 瞬間散發出一陣優雅氣質，猶如貴族千金。現實中嘅Kelly性格洋化, 又操得一口流利英語, 打扮時尚之餘, 又懂得品味生活, 就好似某家富戶千金一樣。不過, Kelly原來係喺香港出世, 而且細個嘅時候, 家境只係一般般。後來, 佢經相士改名後, 各方面就開始變得風調雨順, 到底改名係咪真係可以轉運呢?除咗Kelly外, 圈中亦有唔少明星藝人都係改完名之後, 就開始風生水起, 到底係咪真呢?
(《白色強人》@TVB截圖)
(《白色強人》@TVB截圖)
(《白色強人》@TVB截圖)
張曦雯(Kelly)喺香港出世, 出身草根階層, 細個係住喺黃大仙下邨公屋。張爸爸係任職技工，而張媽媽係幫人做facial嘅, 所以家庭收入都係一般般。思想較為傳统, 又篤信命理嘅父母, 為咗想改變Kelly嘅命運, 喺佢兩歲嘅時候, 就已經改過一次名, Kelly原名叫「詠欣」, 後來被相士改咗做「曦雯」，結果, Kelly嘅一家就開始變得順風順水，直到小學四年班仲全家移民過美國生活，實在不可思議。Kelly長大後, 2011年喺芝加哥選美, 仲贏咗冠軍; 2012年再以代表身份，返香港參選華姐，結果佢又再次當選成后，仲加入埋無綫電視工作。Kelly入行六年，甚少有傳過負面新聞，佢觀眾緣極好，仲被網民封為「長腿女神」。Kelly起初只係做節目主持，不過喺短短幾年間, 就已被無綫高層點名力捧，極速升級成為女一。近來, 佢仲有份參與無綫重頭劇《解決師》嘅演出。
(朱智賢ig@ashley_ellabel)
梁烈唯喺今年元旦日突然宣布改名為梁競徽, 消息傳開後, 好快就已經被網民瘋傳同熱議討論。有網民話佢個名改得好好, 因為「競」有競逐、爭取嘅意思，「徽」除徽記、徽章之外，亦有善、美嘅意思。不過, 亦有網民覺得佢個名嘅讀音好尷尬:「競徽、競徽, 真係好易會令人讀錯做『勁廢』喎!」無論競徽呢個名背後係乜嘢意思都好, 現實的確係有事實證明, 競徽改咗名之後, 隨即被人記得。上個月, 由於美麗的誤會，競徽被各大媒體報道關於佢嘅新聞, 就連外國媒體都有出佢嘅相片, 誤打誤撞，總算是闖出國際。
(梁競徽微博)
(香港市民指梁競徽係人民英雄, 特意將其肖像貼喺燈柱上@on9仔女同盟會)
(連立法會都搵到競徽嘅身影, 可見其影響力幾大@香港電台視像新聞)
(新聞截圖@euronews)
李施嬅喺15年宣布改名, 前名叫李詩韻。基本上, 李施嬅唔算係改名, 只係用返原名。佢早前喺微博曾解釋過改名原因, 佢話：「2015決定改名用返『李施嬅』，呢個名係我最愛嘅嫲嫲幫我改，不過家人幫我改為李詩韻，因為聽起嚟同睇起嚟都比較優雅美麗。不過嫲嫲依家都係叫我做『施嬅』。嫲嫲離世之後，好懷念呢個名，覺得比較親切。希望大家以後叫我李施嬅。 」施嬅改名後，事業大躍進，除了擔正做劇集女主角之外，2017年憑著美國微電影《Once More》奪得《European Cinematography Awards》及《Los Angeles Film Awards》最佳女主角，成為雙料影后。而2019年離開無綫的她又憑加拿大電視劇《Blood and Water》角逐有加拿大奧斯卡之稱的《2019 Canadian Screen Awards》電視組別最佳女配角，非常厲害，雖然最終與獎項擦身而過，不過她當晚以一襲熒光黃晚裝出席頒獎禮，意外地獲得最佳衣著獎。
(圖片來源：東星娛樂)