迪士尼推港人優惠 $688入場2次 同反斗奇兵開暑假派對

今個暑假，除咗可以去睇《反斗奇兵4》，大家仲可以去迪士尼同胡迪，以及一班反斗奇兵一齊開個暑假派對！黛安知道，由即日起至9月1日，迪士尼會舉行「迪士尼反斗夏日–大玩水花」，當中升級版「Pixar水花大街派對！」會加入以《反斗奇兵》同《海底奇兵》為主題嘅兩架新噴水花車，大家可搶先見到電影入面以全新造型亮相嘅牧羊女寶貝同新角色小叉（Forky）。由即日起至10月31日，香港居民仲可以用688元買「雙重暢玩優惠」門票，就可入場兩次，玩盡夏日派對同萬聖節慶典！

而迪士尼會推出超過40款期間限定嘅特色餐飲。黛安最想試下夏日限定嘅「三眼仔紀念杯」、「胡迪魔法球」同「巴斯光年魔法球」，超得意嘅造型杯仲可以帶返屋企；而喺米奇廚師餐廳嘅自助晚餐時段參加「小叉曲奇與彼思小球朱古力DIY」，仲可親手製作小叉造型嘅牛油朱古力曲奇同彼思朱古力球！另仲有超過280款夏日限定主題商品，加埋多款《反斗奇兵》角色造型戲服同配飾，大家可變身成為反斗奇兵一員！

黛安知道，迪士尼樂園酒店亦舉辦「夏日士兵訓練班」，小朋友要好好接受特訓先可完成拯救「玩具」嘅任務啊；而酒店草坪會有「泡泡夏日派對」，另三間喺香港迪士尼樂園度假區內嘅酒店都推出全新主題客房布置，包括《魔海奇緣》、《反斗奇兵》和Duffy同好友等主題。大家仲可以去迪士尼探索家度假酒店嘅「海底奇兵小天地」，同MO仔一齊去沉船探險，夜晚仲可參與夏日限定嘅「尋找小多莉」晚間活動，真係諗起都興奮。