Panasonic全新風筒 塑造亮麗髮型兼護膚

黛安一直都唔鍾意傳統風筒愈吹愈乾燥，Panasonic全新推出嘅「礦物納米離子護髮」最高旗艦級EH-XD20型號風筒就最啱用。新產品主打吹髮同時護髮，用家可根據唔同頭髮嘅長度同髮質，塑造蓬鬆或貼服造型，亦同時通過適合風量及冷熱風交替，集中修護易損髮尾。

公關姊妹仲同黛安講，風筒外置獨立礦物離子雙管道及納米離子管道，令水份更易滲透髮芯同打造光滑強韌秀髮，且可選擇頭髮豐盈度（蓬鬆／貼服）及長度（長、中、短）控制離子發放量。最特別嘅係風筒有7種護理模式選擇，如冷熱交替、髮尾護理、頭皮護理，而且仲有面部護理模式，可吹出用於護膚嘅微弱冷風，保持面部肌膚濕潤，啱晒一眾愛美姊妹！