HKDI及IVE辦設計展 跨領域創作助大眾反思

年輕人有無限創作力，黛安知道HKDI同IVE（李惠利）院校舉辦緊年度設計展，展覽由6月13號至23號舉行，今年設計展係以「EVOLVE」為主題，寓意設計成為獨樹一幟嘅設計師。

年度設計展有大型設計表演同多個設計展覽，主要展覽包含所有學科作品，好似橫跨建築、工商管理、傳意設計及數碼媒體、時裝及形象設計等。唔少學生作品都有探討社會議題，例如人口老化、傳承香港本土文化、環保嘅可持續發展等，期望透過作品引發大眾反思。例如由學生設計嘅「閱語正字」就係透過海報、互動書籍及桌上遊戲等，讓年輕人喺遊戲探索消失中嘅粵字傳統。

至於重點表演就有「新勢力時裝表演」、「音樂作‧動2019」原創音樂發布會等，同學會即場演奏原創歌曲。黛安已約好朋友準備去睇喇！