信興廚藝中心暑假再開班 學煮最正宗和風料理

夏天熱辣辣，好容易令人疲憊無胃口，呢個時候梗係要靠美食打救，先有精力繼續fighting！日本料理名廚、鮨海創辦人兼總廚趙仕焯師傅，喺呢個暑假將再度開班，教大家整最正宗嘅和風料理，各位美食家當然走過路過都不要錯過啦。

講起和風料理，唔止魚生、壽司咁簡單啦，趙師傅今個月初已率先喺信興廚藝中心，示範過點整日式炸天婦羅、豚肉生薑燒，仲向學員傳授獨家秘笈，教大家點揀日本特色食材同調味料。公關姊妹同黛安講，嚟緊7月6日同8月3日，趙師傅會再開兩班，7月嘅第一班先教大家整勁受歡迎嘅日式炸豬扒，諗起金黃酥脆外層夾着鬆軟嘅豬扒，再夾埋特製燒汁「炸炸聲」嘅賣相，黛安已經覺得非常吸引。

同場仲會教埋大家整炆油甘魚骹，炆出豐富魚油同膠質，最啱為疲憊嘅香港人補充骨膠原，馬上容光煥發power up。

8月嘅第二班更會傳授新穎嘅和風洋食料理，Mix andＭatch和式料理精神同西洋食材，除咗日式咖喱牛腩，亦有得學整日式燒雞，趙師傅仲會公開自家烹調烹調日式咖喱牛腩秘方，機會難得啊！

係咪聽到都覺得好吸引？公關姊妹仲提黛安，因為每班學員人數有限，想學就要快啲去以下網址https://www.shunhingcookingcentre.hk/zh/tutors/chiu-sze-cheuk/了解詳情。