「晴報睇電視」除咗睇新劇《白色強人》之外，當然要繼續睇《如果這樣生活》啦，琴晚嗰集見到余德丞（Dickson）喺鏡頭前面喊到豬頭咁，真係好鬼心痛。今集Dickson獲安排飛到日本四國北部較偏僻的地區，享受慢活的人生，因為他去年8月踢波期間突然暈倒昏迷，幾乎面臨死亡的邊緣。Dickson說：「咩叫突然？今日你習慣嘅生活步伐，聽日要慢落嚟，一向做緊嘅事，聽日要停落嚟，呢一刻個心仲跳緊，下一刻你唔肯定。同死神擦身而過，我對生命和生活有另一番體會。」
余德丞經歷過幾乎死亡的一刻，深深體會到健康的重要。（圖片：《如果這樣生活》電視截圖）
Dickson感激媽媽在病患期間對他無微不至的照顧。（圖片：《如果這樣生活》電視截圖）
Dickson憶述暈倒事發經過，他說：「我今年29歲，應該係正值人生嘅黃金時間，亦係事業嘅拼搏期，但我經歷過死亡十分鐘，令我明白到人生係變幻無常、變幻莫測......當時我喺球場踢波，自己覺得身體唔妥，於是換人，我就坐場邊休息，原本諗住閉目養神，飲水就無事，但冇諗過原來一暈就瞓足兩日，醒返先知原來咁嚴重，原本心跳是6、70 ，突然升到300幾，升幅係3、4倍，當下身體運作不到，於是暈倒。」Dickson直言醫生曾經叫家人做定心理準備，甚至很多人認為他不能蘇醒，病後他才體會到身體健康的重要性。
Dickson一向熱愛運動，當他憶及醫生指他不能再運動時，他不禁流下男兒淚。（圖片：《如果這樣生活》電視截圖）
Dickson為不能夠運動而哭成淚人。（圖片：《如果這樣生活》電視截圖）
Dickson在當地跟小朋友一齊玩棒球，但走動不多，見到他簡單如投球和接球的動作，都開心到笑不攏嘴，可想而知他是多熱愛運動。他表示：「發生事之後，醫生同我講可能以後唔可以做運動，當下聽完，我表面好似冇乜嘢咁，但心入面非常、非常難受，因為由細到大，由小學開始我已經好鍾意做運動，所以....」Dickson一向予人陽光男孩的形象，病後多次面對傳媒，總是報喜不報憂，總是面帶微笑，不想大家擔心，直至他講到因為心律不正而被迫放棄運動時，他不禁在鏡頭前流下男兒淚，他續言：「我仲想係球場上搏命，如果冇得踢波的話，好似冇咩意義咁......但回頭望，你可以執返條命，依家要揀條命同運動，無辦法，一定係揀條命，因為要對自己同家人負責任，所以要面對呢件事。」
Dickson病發前一直都是運動健將。（圖片：余德丞IG）
Dickson入行前，曾經是香港游泳代表隊，絕對是運動健將一名，平時又鍾意同球隊好友一齊踢波，他在大專時代的游泳比賽助城市大學奪得男女子全場總冠軍，隨後他加入娛樂圈，火速在體育台擔任外景主持，更有機會採訪巴西奧運盛事。
Dickson細細個就學游水，難怪長大之後可以成為運動健將。（圖片：余德丞IG)
Dickson曾經是香港游泳代表隊。（圖片：余德丞IG）
熱愛運動的他入水能游，出水能跳。（圖片：余德丞IG）
在運動方面，Dickson得過不少獎項。（圖片：余德丞IG）
年輕又有活力，Dickson對各類運動都非常投入和熱愛。（圖片：余德丞IG）