黃韻詩李司棋「世紀合照」勁驚喜 「川島小姐」隱退感情生活大揭祕

活躍80、90年代，演岀過無數經典喜劇，被人封為「表演鬼才」的黃韻詩自淡岀娛樂圈，移居到加拿大後，好耐無見過佢嘅蹤影。昨日（5月29日）李司棋於IG上傳麗的電視訓練班舊同學聚會的照片，除咗謝月美、張偉盈、鍾楚蓮，其中居然還有久未露面的黃韻詩，讓人不禁大叫驚喜！只見現年67歲的黃韻詩狀態大勇，神采飛揚，不減當年風采。而唔少網民亦興奮留言，喜見李司棋同黃韻詩相聚，仲話即時諗起1980年經典劇集《山水有相逢》，李司棋飾演嘅「梅妹」同黃韻詩飾演嘅「梅劍仙」添呀！

{{hket:inline-image name="61559128_597560940740283_3256519180004850141_n.jpg"}}{{/hket:inline-image}}

(李司棋IG,黃韻詩最右)

{{hket:inline-image name="l_p0032851845.jpg"}}{{/hket:inline-image}}

(經典劇集《山水有相逢》)

黃韻詩係個多才多藝嘅演藝工作者，當年憑著生鬼的口才同演技令觀眾留下深刻印象。黃韻詩1968年畢業於第二期麗的映聲演員訓練班，當時有為唔同外購劇集配音，如《柔道小金剛》、《彗星公主》等等。喺擔任配音員時候，黃韻詩受到香港導演譚家明賞識，畀佢喺電視單元劇演出，結果大獲好評。之後黃韻詩成為甘國亮的「愛將」，演岀過唔少經典劇集同角色，如1980年嘅《執到寶》、《輪流傳》。與此同時，黃韻詩亦有於商業電台擔任節目主持人，最岀名就係同葉特生、羅生合作嘅清晨節目《笑口早》 （1981−1982），採訪過多位當紅藝人同名人，如鄧麗君、黃霑、吳宇森。黃韻詩以佢特別的聲線、輕鬆搞笑的作風深得大家喜愛，其後更一舉成為香港著名金牌司儀。80年代香港電影業非常興旺，黃韻詩參演唔少經典喜劇電影，代表作有《92黑玫瑰對黑玫瑰》、《賭俠2之上海灘賭聖》嘅「川島芳子」。1993之後，黃韻詩便息影，移居到加拿大低調生活。

{{hket:inline-image name="UnequaledEmbarrassedCuscus-mobile.jpg"}}{{/hket:inline-image}}

(《賭俠2之上海灘賭聖》)

{{hket:inline-image name="abfcef6a596d409ea5ed17db5fd85c6f_th.jpg"}}{{/hket:inline-image}}

(《92黑玫瑰對黑玫瑰》)

{{hket:inline-image name="61654467_444815166335956_8631840446173151232_n.jpg"}}{{/hket:inline-image}}

(商業電台節目《笑口早》)

黃韻詩自岀道以來，私人生活一直保密到家，對外極少提到感情狀況，相信大家亦對佢私生活非常好奇。其實黃韻詩早已結婚有家庭，丈夫伍偉傑係一名退休警司，二人育有一名兒子，但老公同兒子樣貌未曾對外曝光。自黃韻詩息影後，舉家移居到加拿大，生活平靜舒服，老公更會每個月陪佢外遊一次，帶佢環遊世界享受人生，真係好sweet！日子過得咁快活，難怪好友甘國亮多次勸黃韻詩復岀，佢都唔願意，「佢（黃韻詩）好堅定，從來都唔肯復出，佢話佢搵夠錢啦！」而黃韻詩亦早於2010年榮升「奶奶」，兒子娶咗個靚老婆Karine，當時甘國亮都有特地到場祝賀！黃韻詩最近亦回流香港定居,之後可能都不時會好友聚會！

{{hket:inline-image name="62dc20d26e2d93559aa74375fdecb825.jpg"}}{{/hket:inline-image}}

(黃韻詩同好友森森合照，甘國亮Facebook)