陳鍵鋒先天腦血管缺陷無得醫 諗過自殺 抗遺傳病全靠呢一招？

陳鍵鋒（Sammul）自2010年離開TVB之後，主力於大陸發展，劇集一部接一部，發展得唔錯。剛剛度過41歲生日嘅佢，已經步入「不惑之年」，近日陳鍵鋒更自爆舊年喺泰國做咗次精密嘅身體檢查，諗住作為生日禮物畀自己，點知被醫生告知，原來佢嘅腦部天生缺少了一條主要血管，屬遺傳病的一種。當時陳鍵鋒難以接受身體岀問題，大受打擊，仲諗過要立遺囑同輕生添呀！

{{hket:inline-image name="26383519_176519262954195_3403643118292041728_n.jpg"}}{{/hket:inline-image}}

（陳鍵鋒IG圖片）

自從知道腦血管有問題後，陳鍵鋒開始審視自己的人生，佢話：「我係一個有啲強迫症、選擇困難同潔癖嘅人，咁嘅人喺娛樂圈工作，可想而知係加倍困難。加上呢幾年無論事業、感情定生活發生嘅嘢，搞到我除咗屋企人同經理人，漸漸唔太相信別人，又鍾意獨處同自己解決問題。舊年知道自己腦血管有問題後，有一日我潛水嘅時候，突然起咗一絲奇怪嘅念頭，我好想一直潛下去，可能就會永遠無人會搵到我。好在呢個念頭只係一閃而過，但我知道呢個係一個危險訊號。」

{{hket:inline-image name="05.jpeg"}}{{/hket:inline-image}}

陳鍵鋒突然想死嘅念頭令佢醒覺，自己唔可以再咁落去，於是佢返香港報讀遙距神學課程，邊拍劇邊進修。再加上佢本身亦係基督徒，陳鍵鋒希望喺信仰中尋找到力量，支持住自己，佢話：「呢一年發生好多嘢諗唔明，經媽咪同家姐提醒，發覺過去40年，由我自主嘅人生，真係過得唔太好，所以嗰一刻決定將自己交畀神去掌管。」

{{hket:inline-image name="37930127_268787350570495_7397382316051398656_n.jpg"}}{{/hket:inline-image}}

（陳鍵鋒IG圖片）

岀道多年，陳鍵鋒除咗演戲叻，仲岀晒名鍾意進修，中學時係紅十字會大使，入行至今已經學習過急救、拯溺及護理等技能。除此之外，佢仲擁有多項專業證書，如潛水教練、獨木舟、聾啞手語及幼兒護理等，真係多才多藝。陳鍵鋒話：「進修係我鍾意嘅事，都係令自己成長嘅事。」現在讀神學課程嘅同時，陳鍵鋒仲有兼職做急救課程導師，見不時上傳佢身穿專業護理學會制服教書嘅相到IG，仲話急救知識係大家「一定要有嘅技能」，睇嚟佢對急救都好有熱誠呀！

{{hket:inline-image name="56569135_381248225808674_2786007663749966561_n.jpg"}}{{/hket:inline-image}}

(陳鍵鋒演戲之外，亦係急救課程導師）

{{hket:inline-image name="20190416chan2_1024.jpg"}}{{/hket:inline-image}}