暴肥20磅慘變胖大叔 陳鍵鋒原來有苦衷

靚仔絕對係大晒，記得當年陳鍵鋒仲喺TVB嗰陣，由於生得青靚白淨，風靡萬千少女，無奈由於並非TVB親生仔，不獲公司重用，搞到佢憤而離巢轉戰內地，更憑電視劇《美人心計》獲封「史上最帥皇帝」，完全應驗晒你的樣子如何，你的日子也必如何。

不過無論你幾靚仔都好，時間永遠係你嘅最大敵人，不經不覺陳鍵鋒已經40歲，近日佢流出嘅一輯相片，就喺網上掀起好大迴響，事關陳生唔止肥咗幾個碼，頸上更暴現多條皺紋，昔日小鮮肉形象渣都無，搞到唔少網民衝出嚟贈興：「點解變咗大餅面，上面真係咁好食好住？」、「40歲咋喎，點解做咗胖大叔」

{{hket:inline-image name="UT.jpg"}}{{/hket:inline-image}}

{{hket:inline-image name="SC.jpg"}}{{/hket:inline-image}}

為藝術犧牲

正當網上出現唔少惡毒評語之際，原來大家怪錯咗陳鍵鋒！事關當日佢係出席新劇《玄探包拯》開鏡儀式，飾演包青天嘅佢係專登為套劇增肥20磅，希望演起嚟更維肖維妙。而最令人佩服嘅係，由於現今科技發達，唔少內地演員都會靠特技化妝增肥，不過佢就話化妝無咁好效果，所以刻意曬黑兼增肥，嗱，呢啲咪叫專業囉！

不過可能由於陳鍵鋒實在太專業，所以對家陣是是旦旦嘅做法好不滿：「以前演員唔得，導演仲得，燈光師識就靚位，攝影師亦會想辦法。但最近我拍咗套網絡電影，明明現場黑晒都夾硬打光，但又wide到見到側邊黑晒，話之後靠CG補救。依家就好似發明咗好多新科技打磨鑽石，但最大問題係佢哋根本無諗過點cut(鑽石) 。」陳鍵鋒又話最經典係見過化妝師，居然連頭套都唔識黐，真係令人唔知好嬲定好笑。