叫「半熟」牛排變「一面生一面熟」 網民笑爆話：酒店冇錯呀！

牛扒生熟程度人人喜好不同，但以下這種牛扒相信大部分人都難以接受。一位網民投訴日前在澳門的酒店餐廳嘆「A級和牛」晚餐時，要求牛扒「半熟」，服務員卻奉上一塊「一面生、一面熟」的牛扒，罕見「中伏」經歷令一眾網民笑爆。

該網民近日在Facebook群組分享，指最初感覺該酒店自助餐「幾抵」，遂約同好友前往一試，雖然食物味道「ok」，但事主批評上菜速度慢、長腳蟹不新鮮。而主打的「席切A级和牛」及「威靈頓酥皮牛柳」，店方卻在出菜一次後便無再補充。

隨後雖然再有牛扒「出爐」，事主批評是「全熟」及「鞋口」，於是向廚師要求：

可唔可以煎塊半熟的？

詎料，廚師竟煎出一塊「一面熟、一面生」的牛扒，令事主甚為氣憤，形容「咁嘅服務態度第一次見......仲要係酒店出品」、「去唔去食真係自己諗，畀錢買氣受」。

據事主提供的餐牌可見，該酒店的「最牛自助晚餐精裝牌」，每名成人收費288元，4人同行1人免費。該「半面熟」牛扒照片亦在網上群組瘋傳，「中伏」經歷令網民爆笑，又風趣地指：

「半熟呀嗎！酒店冇錯呀！真係一半熟呀，又唔係5成熟。」

有網民則表示，如不欲「中伏」便要學會正確叫牛扒的方法：

blue (extra-rare)：全生

rare：1成熟

medium rare：3成熟

medium：5成熟

medium well：7成熟

well done：全熟