中電工程師化身老師 傳授節能用電知識

電力對我哋有幾重要，相信唔使黛安多講。聽公關姊妹講，近100名中電工程師和大使，喺過去3年幾乎每個上學日，都輪流到訪幼稚園，同小朋友講解電力同環保節能等知識，連老師都長知識！

作為活動「元老級」人馬嘅90後助理工程師鄭富城（Eric）就話，因為工作着重邏輯思維，講解內容大多涉及技術層面，都曾經有啲擔憂，後來同幼兒教育專家學習點樣同小朋友溝通後，依家已經得心應手。

探訪團隊至今已到訪逾370間幼稚園，向近3萬名小朋友推廣。中電最近仲更新咗《看到的電力》幼稚園教材套內容，送畀全港近1,000間幼稚園免費使用。