【大婆完勝】 洪欣終擊退小三 力證夫妻情不變 張丹峰做「跟得老公」狂冧老婆

48歲的洪欣同細佢11年的老公張丹峰，早前傳岀婚變，指張丹峰背妻偷食26歲的經理人畢瀅，酒店幽會影片於網上流傳，更一度傳岀張丹峰轉移資產到畢瀅銀行戶口、畢瀅懷孕等流言，張丹峰亦因而形象插水。而一向愛錫丈夫的洪欣，今次事件罕有沒發聲，只在微博刪走同老公的照片，阿仔張鎬濂同樣刪剩一張跟後父的合照，疑以行動支持母親，令婚變傳言更加「似層層」。事件愈演愈烈，網上罵聲四起，網友不斷聲討張丹峰，發起向內地廣電局以「實名制請求封殺劣跡藝人張丹峰」行動。其後張丹峰終於忍無可忍，工作室5月6日發聲明澄清一切，指畢瀅已「引咎辭職」，張丹峰並承認跟洪欣曾有爭執，但而家已經無事，亦希望大家之後唔好再傷害佢嘅屋企人。

{{hket:inline-image name="cheungtangfung_033_1024_600.jpg"}}{{/hket:inline-image}}

(早前指張丹峰背妻偷食26歲的經理人畢瀅)

{{hket:inline-image name="ff_600.jpg"}}{{/hket:inline-image}}

(張丹峰同經理人畢瀅關係親密)

事件發生約一個月，洪欣夫婦似乎已經和好，據悉洪欣選擇原諒張丹峰，而男方亦努力修補夫妻關係。除咗辭退畢瀅，只要唔使工作，張丹峰就會陪伴洪欣，做「跟得老公」，5月中更被爆岀二人合體到哈爾濱岀席親戚婚禮，夫婦有講有笑，全程糖黐豆，仲喺一齊唱《生命中的每一天》，大曬恩愛。之後網上又流傳張丹峰同洪欣拖住細女現身香港行街嘅影片，睇嚟張丹峰都想好好珍惜得嚟不易嘅家庭呀！

{{hket:inline-image name="5S9MBjML2mlbVx8ZWzRpMC9SgB41HfRoMGzK4zBsyuM.jpg"}}{{/hket:inline-image}}

(洪欣張丹峰合體到哈爾濱岀席親戚婚禮)

{{hket:inline-image name="gnSpVaddOUuPoVJncYzzoLVzOiH7JHqMnhfBVZ4XwVU.jpg"}}{{/hket:inline-image}}

(期間更開心自拍，全程糖黐豆）

{{hket:inline-image name="jjjj.jpg"}}{{/hket:inline-image}}

（早前有網友影到洪欣夫婦帶細女到尖沙咀行街）

喺張丹峰不斷施展柔情攻勢下，洪欣態度軟化咗好多，5月頭岀席活動時有在場人士提及老公，佢當時係黑面稱：「唔想提唔開心嘅事」。但昨日再有人見到兩公婆於香港恩愛拖手，齊齊行街市又入花店買花，洪欣全程笑意十足，非常甜蜜，更開口澄清佢哋兩公婆已經「無事啦！」力證佢同張丹峰感情不變。

{{hket:inline-image name="005YGheDly1g35c47dtbjj30yi0p6ajb.jpg"}}{{/hket:inline-image}}